រាជធានីភ្នំពេញ ៖
បុរសម្នាក់ខំដើររកប្រពន្ធនៅម្ដុំស្ពានភ្លោះកោះពេជ្រ ក៏ត្រូវបានជនសង្ស័យមួយក្រុម ស្ទាក់កាប់ប្លន់យកទូរសព្ទដៃ និងលុយ ៤ម៉ឺនរៀលបានសម្រេច បណ្ដាលឲ្យរងរបួសធ្ងន់ ត្រូវបានបញ្ចូនទៅមន្ទីរពេទ្យ ។ ចំណែកក្រុមចោរទាំងនោះ បានប្រញាប់រត់គេចខ្លួនបាត់ ។ ហេតុការណ៍នេះបានកើតឡើងនៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ វេលាម៉ោង៣ទៀបភ្លឺ ត្រូវនឹងថ្ងៃទី១៩ ខែមេសា ឆ្នាំ ២០២៤ ។
តាមសម្ដីពីជនរងគ្រោះបានរៀបរាប់ថា គាត់បានបាត់ប្រពន្ធ ហើយក៏មានគេឃើញប្រពន្ធគាត់នៅម្ដុំស្ពានភ្លោះកោះពេជ្រ ទើបគាត់ក៏មករក តែត្រូវបានជនសង្ស័យមួយក្រុម ស្ទាក់កាប់ប្លន់យកទូរសព្ទដៃម៉ាកOppo និងលុយ ៤ម៉ឺនរៀលបានសម្រេច រួចក្រុមចោរទាំងនោះ បានប្រញាប់រត់គេចខ្លួនបាត់ តែម្តង ។ ក្រោយកើតហេតុសមត្ថកិច្ចក៏បានមកដល់ ទំនាក់ទំនងទៅរករថយន្តសង្គ្រោះដើម្បីធ្វើការសង្គ្រោះ បញ្ជូនបុរសរងគ្រោះទៅកាន់មន្ទីរពេទ្យសិន រួចចាំមកដាក់ពាក្យបណ្ដឹងពេលក្រោយ នៅប៉ុស្ដិ៍នគរបាលទន្លេបាសាក់ ៕
![](https://i.kh3.co/news/uploads/2024/4/19/media/large/86772/photo_2024-04-19_02-54-30.jpg?1713495234)
![](https://i.kh3.co/news/uploads/2024/4/19/media/large/86771/photo_2024-04-19_02-54-32.jpg?1713495234)
![](https://i.kh3.co/news/uploads/2024/4/19/media/large/86773/photo_2024-04-19_02-54-33.jpg?1713495235)
![](https://i.kh3.co/news/uploads/2024/4/19/media/large/86774/photo_2024-04-19_06-12-27_(2).jpg?1713495235)
![](https://i.kh3.co/news/uploads/2024/4/19/media/large/86776/photo_2024-04-19_06-12-27.jpg?1713495236)
![](https://i.kh3.co/news/uploads/2024/4/19/media/large/86777/photo_2024-04-19_06-12-32.jpg?1713495237)
![](https://i.kh3.co/news/uploads/2024/4/19/media/large/86775/photo_2024-04-19_06-12-42.jpg?1713495236)