រាជធានីភ្នំពេញ ៖
ជនសង្ស័យចំនួន ០៣នាក់ ធ្វើសកម្មភាព លួចយកម៉ូតូរបស់ប្រជាពលរដ្ឋនៅក្នុងខណ្ឌពោធិ៍សែនជ័យ ត្រូវសមត្ថកិច្ចឃាត់ខ្លួនបាន ។ នេះបើយោងតាមផេក ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ ។
.jpg)
សមត្ថកិច្ចបានឲ្យដឹងថា នៅថ្ងៃទី២៤ ខែមេសា ឆ្នាំ ២០២៤ ស្ថិតនៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ កម្លាំងនៃអធិការដ្ឋាននគរបាលខណ្ឌពោធិ៍សែនជ័យ ដឹកនាំដោយលោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ ឃាត់ខ្លួនជនសង្ស័យចំនួន០៣នាក់ ពាក់ព័ន្ធនឹងករណីលួចយកម៉ូតូ ។
ក្នុងនោះ វត្ថុតាងដកហូតរួមមាន ៖ ដែកអក្សរតេ សម្រាប់ឆ្គិះសោរម៉ូតូ ចំនួន១គ្រឿង, លួសសំរាប់គាស់សោរ ចំនួន០១ និងសម្ភារមួយចំនួនទៀត ។ បច្ចុប្បន្នជនសង្ស័យ សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕
.jpg?1714021419)
.jpg)
.jpg&description=ក្រុមចោរ០៣នាក់ លួចម៉ូតូគេក្នុងខណ្ឌពោធិ៍សែនជ័យ ត្រូវសមត្ថកិច្ចបង្ក្រាបបាន){kind=link}