ខេត្តតាកែវ ៖
ក្រុមក្មេងគេចសាលា និងនាំគ្នាបង្ហោះម៉ូតូនៅសាលាវិទ្យាល័យគិរីវង់ជាច្រើននាក់ ត្រូវសមត្ថកិច្ចឃាត់ខ្លួនយកមកអប់រំ និងឲ្យលុតជង្គង់សំពះសូមទោសឪពុកម្តាយអ្នកមានគុណ ។ នេះបើយោងតាមផេកផ្លូវការរបស់ អធិការដ្ឋាននគរបាលស្រុកគិរីវង់ ។
សមត្ថកិច្ចបានឲ្យដឹងថា ការបង្ក្រាបនេះ ធ្វើឡើងដោយ លោកវរសេនីយ៍ឯក ជា សុផល អធិការនគរបាលស្រុក បានបញ្ជាអោយលោកវរសេនីយ៍ទោ ទៀ សូរិយា អធិការរងទទួលការងារសណ្តាប់ធ្នាប់ចរាចរណ៍ សហការជាមួយកម្លាំងអន្តរាគមន៍ កម្លាំងប៉ុស្តិ៍នគរបាលរដ្ឋបាលព្រៃរំដេង ធ្វើការឃាត់ក្រុមសិស្សសាលាដែលនាំគ្នាគេចពីសាលាទៅបង្ហោះម៉ូតូមានចំនួន៥នាក់ ស្មើ២ម៉ូតូ យកមកធ្វើការអប់រំ និងឲ្យបង្ហោះ នៅអធិដ្ឋាននគរបាលស្រុកគិរីវង់ នៅព្រឹកថ្ងៃទី១២ ខែមីនា ឆ្នាំ២០២៤ រួចធ្វើកិច្ចសន្យាចំពោះមុខអាណាព្យាបាល ហើយអោយត្រឡប់ទៅវិញ ក្នុងករណីលើកក្រោយមិនរាងចាល និងចាត់វិធានការតាមនិតិវិធីច្បាប់ ៕
![](https://i.kh3.co/news/uploads/2024/3/13/media/large/83568/photo_2024-03-13_18-06-03.jpg?1710328753)
![](https://i.kh3.co/news/uploads/2024/3/13/media/large/83569/photo_2024-03-13_18-06-04.jpg?1710328754)
![](https://i.kh3.co/news/uploads/2024/3/13/media/large/83570/photo_2024-03-13_18-06-04_(2).jpg?1710328757)