រាជធានីភ្នំពេញ ៖
មានការភ្ញាក់ផ្អើលខ្លាំងទាំងយប់ សម្លេងសារ៉ែនរថយន្តពន្លត់អគ្គិភ័យ ទ្រហឹងគ្រប់គោលដៅ ឆ្ពោះទៅបាញ់ពន្លត់ អគ្គិភ័យដែលបានឆាបឆេះផ្ទះជាន់ខាងលើ រាលដាលជាបន្តបន្ទាប់ ផ្ទុះលាន់ទ្រហឹង អស់ចំនួន១៤ខ្នងឯណោះ ។ ហេតុការណ៍នេះបានកើតឡើង កាលពីវេលាម៉ោង ៧និង៣៥នាទីយប់ ថ្ងៃទី២៩ ខែមករា ឆ្នាំ២០២៤ នៅផ្លូវសុធារស ភូមិ១ ក្រុមទី៥ សង្កាត់ជ័យជំនះ ខណ្ឌដូនពេញ រាជធានីភ្នំពេញ។
តាមរបាយការណ៍ពីសមត្ថកិច្ចបានឲ្យដឹងថា ម្ចាស់មានឈ្មោះ ហង្ស ដារ៉ាតូ ភេទ ប្រុស អាយុ ៤០ឆ្នាំជនជាតិខែ្មរ លក់ដូរ ដោយមិនទាន់ដឹងនៅឡើយថាការឆាបឆេះនេះ ផ្តើមចេញពីអ្វីឲ្យប្រាកដ ខណៈសមត្ថកិច្ចជំនាញ កំពុងស្រាវជ្រាវ ។ ជុំវិញហេតុការណ៍អគ្គិភ័យនេះ បានឆេះបំផ្លាញផ្ទះថ្មប្រក់ស័ង្កសី ទំហំ០៨ម៉ែត្រ x០៨ម៉ែត្រ ជាន់ទី៣ ចំនួន ០១ខ្នង និងបណ្តាលឲ្យឆេះរាលដាលផ្ទះចំនួន ១៣ខ្នងទៀតដែលនៅជាប់ៗគ្នា តែទោះបីជាយ៉ាងណា សមត្ថកិច្ចបានអន្តរាគមន៍ជម្លៀសមនុស្សយកចេញមកបាន គ្មាននរណាម្នាក់ មានគ្រោះថ្នាក់ដល់អាយុជីវិតនោះទេ ។ ដោយឡែករង្វង់ប្រតិបត្តិការ នៃការបាញ់ពន្លត់វិញ រថយន្តការិយាល័យអគ្គិភ័យ ចំនួន ២២គ្រឿង បានចុះមកអន្តរាគមន៍ ប្រើប្រាស់ទឹកអស់ចំនួន ៦៦ឡាន ស្មើនឹង ២៦៤ម៉ែត្រគូប និងមានរថយន្តជំនួយអន្តរាគមន៍រួមមាន ៖
-រថយន្តអគ្គិភ័យក្រសួងមហាផ្ទៃចំនួន ០១គ្រឿង ពុំបានប្រើប្រាស់ទឹក ។
-រថយន្តអគ្គិភ័យ៧១១ចំនួន ០៣គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ១២ម៉ែត្រគូប ។
-រថយន្តអគ្គិភ័យកងរាជអាវុធហត្ថចំនួន ០៣គ្រឿង ប្រើប្រាស់ទឹកអស់ចំនួន ០៣ឡានស្មើនឹង ១២ម៉ែត្រគូប ។
-រថយន្តអគ្គិភ័យទីក្រុងអូឡាំព្យាចំនួន ០១គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៤ម៉ែត្រគូប ។
-រថយន្តអគ្គិភ័យបុរីប៉េងហួតចំនួន ០២ឡាន ប្រើប្រាស់ទឹកអស់ចំនួន ០២ឡាន ស្មើនឹង ០៨ម៉ែត្រគូប ។
-រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០២គ្រឿង ប្រើប្រាស់ទឹកអស់ចំនួន ០២ឡានស្មើនឹង ១២ម៉ែត្រគូប ។
-រថយន្តអគ្គិភ័យទីក្រុងកោះពេជ្រចំនួន ០៣គ្រឿង ប្រើប្រាស់ទឹកអស់ចំនួន ០៦ឡាន ស្មើនឹង ២៤ម៉ែត្រគូប ។
-រថយន្តអគ្គិភ័យទីក្រុងជ្រោយចង្វារចំនួន ០៥គ្រឿង ប្រើប្រាស់ទឹកអស់ចំនួន ១០ឡាន ស្មើនឹង ៤០ម៉ែត្រគូប ។
-រថយន្តអគ្គិភ័យទីក្រុងនរាចំនួន ០១គ្រឿង ពុំបានប្រើប្រាស់ទឹក ។ អគ្គិភ័យនេះ បានរលត់ទៅវិញទាំងស្រុង នៅម៉ោង ៩និង៣០នាទីយប់ នាថ្ងៃខែ ឆ្នាំដដែល ៕
![](https://i.kh3.co/news/uploads/2024/1/30/media/large/79721/photo_2024-01-29_21-47-57.jpg?1706582488)
![](https://i.kh3.co/news/uploads/2024/1/30/media/large/79720/photo_2024-01-29_21-48-00.jpg?1706582488)
![](https://i.kh3.co/news/uploads/2024/1/30/media/large/79718/photo_2024-01-29_21-48-01.jpg?1706582487)
![](https://i.kh3.co/news/uploads/2024/1/30/media/large/79719/photo_2024-01-29_21-48-04.jpg?1706582487)
![](https://i.kh3.co/news/uploads/2024/1/30/media/large/79725/photo_2024-01-29_21-48-06.jpg?1706582490)
![](https://i.kh3.co/news/uploads/2024/1/30/media/large/79723/photo_2024-01-29_21-48-18.jpg?1706582489)
![](https://i.kh3.co/news/uploads/2024/1/30/media/large/79726/photo_2024-01-29_21-48-19.jpg?1706582490)
![](https://i.kh3.co/news/uploads/2024/1/30/media/large/79724/photo_2024-01-29_21-48-21.jpg?1706582489)
![](https://i.kh3.co/news/uploads/2024/1/30/media/large/79722/photo_2024-01-29_21-48-23.jpg?1706582489)
![](https://i.kh3.co/news/uploads/2024/1/30/media/large/79728/photo_2024-01-29_21-48-25.jpg?1706582491)
![](https://i.kh3.co/news/uploads/2024/1/30/media/large/79727/photo_2024-01-29_21-48-27.jpg?1706582491)
![](https://i.kh3.co/news/uploads/2024/1/30/media/large/79729/photo_2024-01-29_21-48-28.jpg?1706582492)
![](https://i.kh3.co/news/uploads/2024/1/30/media/large/79731/photo_2024-01-29_21-48-29.jpg?1706582492)