ព្រឹកថ្ងៃព្រហស្បតិ៍ ៤កើត ខែស្រាពណ៍ ឆ្នាំឆ្លូវត្រីស័ក ព.ស២៥៦៥ ត្រូវនិង ថ្ងៃទី១២ ខែសីហា គ.ស២០២១ លោក ហួង តារាមុនី អគ្គនាយកវិទ្យុ-ទូរទស្សន៍កងយោធពលខេមរភូមិន្ទ តំណាងដ៏ខ្ពង់ខ្ពស់របស់លោក ស៊ុបប៉ាឆ័យវីរៈភុជង្ស នាយកប្រតិបត្តិTV5 និងជាម្ចាស់ក្រុមហ៊ុន THAI NAKORN PATANA Co.,LTD. ព្រមទាំងសហការី រួមមានលោក សេង កិដ្ឋិកា លោកស្រី រស់ ឡុងម៉ាឡែន លោក ស ងួន បាននាំយកទេយ្យទាន និងបច្ច័យទៅប្រគេនព្រះសង្ឃឈគង់ចាំព្រះវស្សាក្នុងរយៈពេលមួយត្រីមាស ចំនួន១១វត្ត ដោយក្នុងមួយវត្តៗទទួលបាន ទឹកបរិសុទ្ធ LYYON ២កេះ ថ្នាំពេទ្យ ២កេះ ភេសជ្ចៈBlue ១កេះ សាដក១ និងបច្ច័យ ៥០០០០៛។
វត្តមហាខេត្តវន្ត័(ស្រែព្រៃ) និង វត្តរស្មីសោភណារាម (សន្លុង) ស្ថិតក្នុង ឃុំជើងកើប ស្រុកកណ្តាលស្ទឹង ខេត្តកណ្តាល វត្ត អម្ពរវ័ន្ត (ក្រពើឆ្អែត) ស្ថិតក្នុង ឃុំសៀមរាប ស្រុកកណ្តាលស្ទឹង ខេត្តកណ្តាល វត្តវិហារបិតមាស វត្តវិហារត្រាញ់ ស្ថិតក្នុង ឃុំព្រែកស្លែង ស្រុកកណ្តាលស្ទឹង ខេត្តកណ្តាល និងវត្តបឹងខ្យាង ស្ថិតក្នុង ឃុំបឹងខ្យាង ស្រុកកណ្តាលស្ទឹង ខេត្តកណ្តាល។
លោកហួង តារាមុនី បានអោយដឹងថា គ្រឿងបរិក្ខារនិងបច្ច័យទាំងអស់នេះជាសទ្ធាជ្រះថ្លារបស់លោកបណ្ឌិត ស៊ុបប៉ាឆ័យវីរៈភុជង្ស និងស្ថានីយ៍ទូរទស្សន៍កងយោធពលខេមរភូមិន្ទ ដើម្បីប្រគេនព្រះសង្ឃគង់ចាំព្រះវស្សាអស់រយៈត្រីមាសក្នុងឆ្នាំថ្មីនេះ។
