ថ្ងៃសៅរ៍ ១០កើតសខែបឋមសាឍឆ្នាំឆ្លូវត្រីស័ក ព.ស ២៥៦៥ ត្រូវនិងថ្ងៃទី១៩ ខែមិថុនា ឆ្នាំ២០២១ លោក អភិឆាត ឌួងអាត(Aphichart Duang art) អ្នកគ្រប់គ្រងទូទៅក្រុមហ៊ុន Chamatham Co.,Ltd (EVA Premium Ice) និងលោក ហួង តារាមុនី អគ្គនាយកវិទ្យុ-ទូរទស្សន៍កងយោធពលខេមរភូមិន្ទ និងសហការី បាននាំយកអំណោយទៅជូនរដ្ឋបាលខ័ណ្ឌព្រែកព្នៅនិងខ័ណ្ឌច្បាអំពៅ។
លោក Aphichart Duang art បានជំរាបជូនលោកស្រីអភិបាលរងខ័ណ្ន ព្រែកព្នៅនិងលោកនាយករដ្ឋបាលខ័ណ្ឌច្បាអំពៅថា ក្រុមហ៊ិនផលិតទឹកកកអនាម័យ អ៊ីវ៉ា មានទីតាំងនៅ ភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្តាល ជាក្រុមហ៊ុនផលិតទឹកកកអនាម័យ មានគុណភាពស្តង់ដាអន្តរជាតិ និងមានតែមួយគត់នៅស្រុកខ្មែរ ដែលបានគិតគូអំពីសុខភាពអ្នកប្រើប្រាស់។ហើយ អ៊ីវ៉ា តែងតែរួមចំណែករាល់ការលំបាករបស់ប្រជាជនខ្មែរគ្រប់កាលៈទេសៈ។
លោកស្រីអភិបាលរងខ័ណ្ឌព្រែកព្នៅ និងលោក នាយករដ្ឋបាលខ័ណ្ឌច្បាអំពៅបានថ្លែងអំណរគុណយ៉ាងជ្រៀលជ្រៅចំពោះក្រុមហ៊ុន Chamatham Co.,Ltd និង TV5 ដែលបានរួមចំណែកឧបត្ថម្ភជាទឹកកក ៤៨គីឡូក្រាម ធុងក្លាស់សេមួយ ថ្នាំពេទ្យ ១០កេះ ក្នុង មួយកេះមាន៨០កញ្ចប់ សំរាប់ខ័ណ្ឌនីមួយៗ ដើម្បីចែកជូនប្រជាពលរដ្ឋក្នុងរដូវកាលរីករាលដាលនៃ ជម្ងឺ Covid-19 លោកថា នឹងយកអំណោយទាំងអស់នេះបែងចែកតាមបណ្តាសង្កាត់នានាក្នុងខ័ណ្ឌ ជាពិសេសតាមមណ្ឌលព្យាបាលជម្ងឺ Covid-19។
លោកអភិបាលក៍បានជូនពរសូមអោយក្រុមហ៊ុន Chamatham Co.,Ltd និង TV5 ទទួលបានជោគជ័យគ្រប់ភារកិច្ច។
លោក ស្រី សក់ ស៊ីថា អភិបាលរងខ័ណ្ឌព្រែកព្នៅ
លោក ញាណ ចន្ទ័ សោភា នាយករដ្ឋបាលខ័ណ្ឌច្បាអំពៅ ក្រុមហ៊ុន Chamatham Co.,Ltd &TV5 ប្រគល់អំណោយជូនរដ្ឋបាលខ័ណ្ឌព្រែកព្នៅ ក្រុមហ៊ុន Chamatham Co.,Ltd &TV5 ប្រគល់អំណោយជូនរដ្ឋបាលខ័ណ្ឌច្បាអំពៅ
.jpg)
