ខេត្តកំពង់ឆ្នាំង: នៅវេលាម៉ោង៨និង១១នាទីថ្ងៃទី១៥ខែមិថុនាឆ្នាំ២០២១ កើតមានអគ្គីភ័យមួយបណ្តាលអោយមនុស្សម្នាក់រងរបួសស្រាលនិងផ្ទះ១ខ្នងលក់ចាបហ៊ួយរងការឆេះអស់គ្មានសល់ ។
ហេតុការគ្រោះអគ្គីភ័យនេះបានកើតឡើងនៅភូមិវត្តសេដ្ឋី ឃុំសេដ្ឋី ស្រុកសាមគ្គីមានជយ័មានករណីអគ្គីភ័យបណ្តាលឆេះផ្ទះលក់ចាបហ៊ួយមួយកន្លែងជារបស់ឈ្មោះ ស៊ុន សុវណ្ណ (ហៅ ចាន់រ៉ា) ភេទប្រុស អាយុ ២៦ឆ្នាំ បណ្ដាលឲ្យរងការខូចខាតទាំងស្រុង ។
អធិការនគបាលស្រុកសាមគ្គីមានជយ័បានអោយដឹងនៅរសៀលថ្ងៃទី១៥មិថុនា២០២១នេះថាផ្ទះដែលរងអគ្គីភ័យឆាបឆេះអស់ខាងលើនេះមានទំហំ៦×៨ម៉ែត្រ ម៉ូតូ១គ្រឿង និងសម្ភារៈលក់ចាប់ហួយខូចខាតតម្លៃប៉ាន់ស្មានគិតជាប្រាក់ ៥០០០ដុល្លារ និងមនុស្សរងរបួស ១នាក់ បានបញ្ជូនទៅមន្ទីពេទ្យព្យាបាលហើយគ្រាដែលភ្លើងកំពង់ឆាបឆេះនោះម្ចាស់ផ្ទះបានចូលទៅអូសយកមកម៉ូតូចេញពីក្នុងអណ្តាតភ្លើងបណ្តាលអោយរងរបួសស្រា។
អធិការនគបាលស្រុកសាមគ្គីមានជ័យបានអោយដឹងទៀតថានៅមុនពេលកើតហេតុម្ចាស់ផ្ទះបានចាក់សាំងដាក់ដបនៅជិតចង្រ្កានដាំបាយហើយក៏បណ្តាលឲ្យឆាបឆេះ រាលដាលដល់កំប៉ុងហ្គាស និងធុងហ្គាសដែលដាក់លក់ក្នុងផ្ទះនោះផងដែរ ៕
សុក្ខារិន
