( ត្បូងឃ្មុំ ):
កាលពីថ្ងៃទី ៨ ខែតុលា ឆ្នាំ ២០២០នេះ ឯកឧត្តម ស៊ាក ឡេង ប្រធានក្រុមប្រឹក្សាខេត្ត និងឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ បានបើកកិច្ចប្រជុំសាមញ្ញលើកទី ១៧ អាណត្តិទី ៣ របស់ក្រុមប្រឹក្សាខេត្តត្បូងឃ្មុំ នៅក្នុងសាលប្រជុំ ( ក ) សាលាខេត្តត្បូងឃ្មុំ ។ឯកឧត្តម ស៊ាក ឡេង បានមានប្រសាសន៏ថា កិច្ចប្រជុំនាពេលនេះ ពិតជាមានសារ:សំខាន់ ចំពោះការតាក់តែងនូវឯកសារសម្រាប់កិច្ចប្រជុំ ពិសេសគឺដើម្បីស្វែងរកនូវចំណុចខ្វះខាត ដោយសមាជិកដែលចូលរួមទាំងអស់ បានលើកឡើងក្នុងអង្គប្រជុំ ធ្វើយ៉ាងណាកែលម្អ អោយកាន់តែប្រសើរឡើង សម្រាប់ទុកជាឯកសារដ៏ល្អទាំងអក្ខរាវិរុទ្ធ ឃ្លោងឃ្លា និងខ្លឹមសារពោរពេញដោយអត្ថន័យ ស្របទៅនឹងឯកសារគំរូច្បាប់ដើម ។
ក្នុងនោះឯកឧត្តមបណ្ឌិត ជាម ច័ន្ទសោភ័ណ ក៏បានស្នើឲ្យរដ្ឋបាលសាលាខេត្ត មន្ទីរ អង្គភាពពាក់ព័ន្ធ បន្ទាប់ពីទទួលបាននូវបញ្ហាប្រឈម ក៏ដូចជាសំណើរផ្សេងៗ គឺត្រូវចុះទៅពិនិត្យ និងរាយការណ៍ ជាពិសេសសម្រាប់កម្មវិធីរវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្ត នាពេលខាងមុខនេះ គឺត្រូវរៀបចំប្រព្រឹត្តិទៅដោយរលូន ដើម្បីទទួលបានបញ្ហាប្រឈមរបស់ពលរដ្ឋក្នុងមូលដ្ឋាន ងាយស្រួលក្នុងការឆ្លើយតប ធ្វើការដោះស្រាយភ្លាមៗអោយបានទាន់ពេលវេលា និងមានប្រសិទ្ធភាពខ្ពស់ ៕
.jpg)
