តាមប្រភពព័ត៌មានពីសម្ថកិច្ចបានប្រាប់ឱ្យដឹងថា បុរសរងគ្រោះមានឈ្មោះ ជា សុញឹប ហៅ ថាច អាយុ ៣៨ឆ្នាំ មុខរបរជា ជាងជួសជុលរថយន្ត មានទីលំនៅក្រុងតាខ្មៅ ខេត្តកណ្តាល។មុនពេលកើតហេតុ បុរសរងគ្រោះបានជិះម៉ូតូម៉ាកហុងដា C125 ព៌ណខ្មៅ ពាក់ស្លាកលេខភ្នំពេញ១G-៥៥៩៨ មួយគ្រឿងតែម្នាក់ឯង ដោយមានដឹកគ្រឿងបន្លាស់រថយន្តមួយចំនួន តាមបណ្តោយ ផ្លូវព្រះនរោត្តមក្នុងទិសដៅពីជើងទៅត្បូង។លុះមកដល់ចំណុចកើតហេតុខាងលើ ក៏ស្រាប់តែមានរថយន្តម៉ាកហាយឡែនឌ័រ ព៌ណទឹកប្រាក់ ពាក់ស្លាកលេខភ្នំពេញ២X-៣៣២០ មួយគ្រឿង បើកបរដោយបុរសជាជនបរទេសម្នាក់ ក្នុងទិសដៅពីលិចទៅកើតឆ្លងផ្លូវក៏ទៅបុកម៉ូតូជាប់ខាងក្រោម និង បុរសរងគ្រោះបានបាក់ជើងខាងស្តាំម្ខាងរងរបួសធ្ងន់តែ ម្តង។
ក្រោយពេលកើតហេតុ កម្លាំងមានសម្ថកិច្ចនគរបាលចរាចរណ៍ខណ្ឌចំការមន ចុះមកដល់ហៅរថយន្តសាមុយមកដឹកយកបុរសរងគ្រោះទៅកាន់មន្ទីរពេទ្យកាល់ម៉ែត និងធ្វើការវាស់វែងយករថយន្តម៉ាកហាយឡែនឌ័របង្ករ និងម៉ូតូរបស់ជនរងគ្រោះ យកទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ ដើម្បីរង់ចាំធ្វើការដោះស្រាយគ្នាជាបន្តទៅទៀត។
