នៅក្នុងអង្គប្រជុំប្រចាំខែនោះដែរ ក៏មានការអញ្ជើញចូលរួមពីលោក ព្រាប ផាន់នី សមាជិកក្រុមការងារ និងលោក កៅ សាវុន សមាជិកក្រុមការងារ ព្រមទាំងសមាជិក សមាជិកានៃ ស.ស.យ.ក ចុះជួយស្រុករំដួល ខេត្តស្វាយរៀង។សូមបញ្ជាក់ជូនថា គឺមានវត្តមានចូលរួមពីយុវជន ស.ស.យ.ក ស្រុករំដួលទាំង១០ឃុំបានចូលរួមសរុប ២០នាក់, ស្រី ០៤នាក់។ នៅក្នុងអង្គប្រជុំនេះផងដែរ លោក ចាន់ ធាន ជាសមាជិកគណ:កម្មាធិការ ស.ស.យ.ក ស្រុករំដួល បានឡើងធ្វើរបាយការណ៍សង្ខេបពីសកម្មភាពរបស់ ស.ស.យ.ក ស្រុករំដួលបានអនុវត្តកន្លងមក និងទិសដៅអនុវត្តបន្តជូនគណៈអធិបតី និងអ្នកចូលរួមទាំងអស់បានជ្រាបជារបាយការណ៍។
នាឱកាសនោះផងដែរលោកវេជ្ជបណ្ឌិត រស់ ថុន ប្រធានក្រុមការងារ ស.ស.យ.ក ចុះជួយស្រុករំដួលមានមតិសំណេះសំណាលជាមួយយុវជនស្រុករំដួល ហើយលោកក៏បានផ្ដាំផ្ញើដល់យុវជននៅតាមឃុំនីមួយៗឲ្យ ចេះជួយដល់សមាជិកយុវជនណាដែលមានទុក្ខធុរៈត្រូវចេះរាយការណ៍និងចូលរួមជួយតាមកម្លាំងសទ្ធា ហើយលោកក៏បានប្រាប់ដល់យុវជន ដែលមានបំណងចង់ចិញ្ចឹមកង្កែប និងបង្កង ត្រូវនាំគ្នាទៅចូលរួមមើលវិធីសាស្ត្រ និងបច្ចេកទេសចិញ្ចឹមនៅផ្ទះរបស់លោកផ្ទាល់ ដើម្បីយកមកអនុវត្ត ក្នុងនោះដែរលោកក៏បានប្រាប់ ដល់យុវជនដែលមានបំណងចិញ្ចឹម លោកវេជ្ជបណ្ឌិតថានិងឲ្យពូជ និងសំណាញ់សម្រាប់ដាក់ចិញ្ចឹមផងដែរ។លោក វេជ្ជបណ្ឌិត រស់ ថុន បានលើកឡើងបន្តទៀតថា៖យុវជននៅតាមឃុំបង្កើតក្រុម មេឌាផេក ដើម្បីដឹងពីពត៌មានផ្សេងៗ ហើយលោកក៏បានឲ្យគណកម្មការឃុំនីមួយៗលើកឡើងពីបញ្ហាប្រឈម ក្នុងនោះបានឡើងលើកពីបញ្ហាប្រឈម គឺការញែកចេញឲ្យដាច់រវាងយុវជន សសយក និងយុវជនបក្ស យើងត្រូវញែកចេញដែលឬទេ ។លោកវេជ្ជបណ្ឌិត រស់ ថុន បានបញ្ជាក់ដល់យុវជនតាមឃុំទាំងអស់ឲ្យញែកចេញឲ្យដាច់តាមការណែនាំ ពីព្រោះយុវជនយើងមិនអាចស្ថិត ក្នុងរចនាសម្ព័ន្ធពីរបានទេ។
បន្ទាប់ពីសំណេះសំណាលជាមួយក្រុមការងារ និងយុវជន ព្រមទាំងគណ:កម្មាធិការឃុំទាំង១០ នៃស.ស.យ.ក ស្រុករំដួល ខេត្តស្វាយរៀង លោកវេជ្ជបណ្ឌិត រស់ ថុន ក៏បានធ្វើការផ្តាំផ្ញើទៅដល់យុវជនទាំងអស់ ត្រូវពេលចុះទៅតាមមូលដ្ឋាន សូមធ្វើការងារណែនាំទៅដល់បងប្អូនប្រជាពលរដ្ឋ និងយុវជនដែលនៅតាមមូលដ្ឋានស្រុករំដួល ត្រូវចេះរក្សាអនាម័យអោយបានល្អ ថែរក្សាសុខភាព លាងដៃ ពាក់ម៉ាស និងគោរពនូវគោលការណ៍របស់ក្រសួងសុខាភិបាលដែលណែនាំពីការការពារនៃឆ្លងជំងឺកូវីដ១៩ ដោយសារជំងឺកូវីដ១៩វាជាជំងឺគួរអោយភ័យខ្លាច ប៉ុន្តែបើយើងចេះថែរក្សា អនាម័យ និងគោរពនូវគោលការណ៍របស់ក្រសួងសុឋាភិបាលវាជាការងាយស្រួលសម្រាបយើងអោយរួចផុតពីការឆ្លងជំងឺ និងមានសុវត្ថិភាពក្រុមគ្រួសារ និងមនុស្សនៅជំវិញខ្លួនយើង៕
.jpg)
