យុវជនដែលស្លាប់នោះឈ្មោះសេក ប៊ុនធន់ អាយុ២៤ឆ្នាំពិការដៃ មុខបរកម្មករសំណង់នៅសំណង់ផ្ទះល្វែងឡុងទិត្យ និង មានស្រុកកំណើតនៅកក្នុងធ្លក ឃុំចន្ត្រី ស្រុករមាសហែក ខេត្តស្វាយរៀង ពិការ និងស្នាក់នៅផ្ទះជួលម្ដុំបុរីសែនមនោរម្យ ភូមិកន្ទោកខាងជើង សង្កាត់កន្ទោក ខណ្ឌកំបូល។
តាមប្រភពព័ត៌មានបានឲ្យដឹងថា នៅមុនពេលកើតហេតុក្រោយពីធ្វើការបានរយៈពេល១ព្រឹកដល់ពេលសម្រាកហូបបាយ យុវជនរងគ្រោះខាងលើបានប្រាប់មិត្តភ័ក្រ្តថាទៅងូតទឹកស្រះមួយកន្លែងមុខម៉ុងសពចិន ក្បែរការដ្ឋានសំណង់នោះដែរ។បន្ទាប់មកក៏ស្រាប់តែបាត់ឈឹងមិនឃើញត្រឡប់ទៅវិញឡើយ ដោយចាំបាត់ៗមិត្តភក្ដិបានតាមរកគ្រប់កន្លែងប៉ុន្តែមុនបានឃើញសោះ ហើយសង្ស័យថាលង់ទឹកទើបចុះរាវរកក្នុងស្រះនោះហើយក៏ប្រទះឃើញសាកសព ។
ប្រភពដដែលបានបន្តថា ក្រោយមកបាននាំគ្នាស្រង់សពឡើងគោកនិងរាយការណ៍ជូននគរបាលប៉ុស្តិ៍ត្រពាំងក្រសាំងចុះទៅពិនិត្យហើយក្រុមគ្រួសារជនរងគ្រោះសម្រេចមិនប្ដឹងផ្ដល់អវីឡើងនិងសុំយកសាកសពទៅធ្វើបុណ្យតាមប្រពៃណី៕
