ភ្នំពេញ៖ បុរសម្នាក់សង្ស័យស្រវឹងបេីករថយន្តលឿនជ្រុលបុកម៉ូតូមួយគ្រឿងបណ្តាលឲ្យបុរសម្នាក់រងរបួសបាក់ជេីងម្ខាងកាលពីវេលាម៉ោង១១និង៣០នាទីយប់ថ្ងៃទី២០ ខែកក្កដា ឆ្នាំ២០២០ នៅចំណុចមុខវត្តទួលទំពូង តាមបណ្តោយផ្លូវម៉ៅសេទុង ស្ថិតក្នុងសង្កាត់ទួលទំពូង១ ខណ្ឌចំការមន ហេីយព្យាយាមបេីករត់រហូតមកដលផ្លូវលេខ២៧១ ស្ថិតក្នុងសង្កាត់ទំនប់ទឹក ខណ្ឌបឹងកេងកង ត្រូវបានសមត្ថកិច្ចដេញឃាត់បានភ្លាមៗ។
តាមសាក្សីនៅកន្លែងកេីតហេតុបាន ឲ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកហុងដាឌ្រីម ពណ៍ខ្មៅ ពាក់ស្លាកលេខពោធិ៍សាត់1J 8595 ធ្វេីដំណេីរតាមបណ្តោយផ្លូវម៉ៅសេទុង ក្នុងទិសដៅពីលិចទៅកេីតខណះមកដល់ចំណុចកេីតហេតុស្រាប់តែមានរថយន្តមួយគ្រឿងម៉ាកRAV4 ពណ៍ខឿវ ពាក់ស្លាកលេខភ្នំពេញ2G 0328 បេីកបរដោយបុរសម្នាក់សង្ស័យស្រវឹងធ្វេីដំណេីរតាមបណ្តោយផ្លូវម៉ៅសេទុងក្នុងទិសដៅពីកេីតទៅលិចហេីយបានបត់ឆ្វេងបំណងទៅផ្លូវលេខ១៣៥ក៏ជ្រុលបុកម៉ូតូពេញទំហឹងបណ្តាលឲ្យជនរងគ្រោះរបួសបាក់ជេីងខាងឆ្វេង។
សាក្សីដដែលបានបន្តថា ភ្លាមនោះជនសង្ស័យបានព្យាយាមបេីករថយន្តគេចខ្លួនរហូមកដល់ផ្លូវលេខ២៧១ ជិតនិងមន្ទីរពេទ្យរុស្ស៊ីក៏ត្រូវនគរបាលដេញឃាត់បានភ្លាមៗតែម្តង ។ ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះភ្លាមៗដោយឡែកម្ចាស់រថយន្តនិងរថយន្តរួមទាំងម៉ូតូត្រូវបានសមត្ថកិច្ចយកទៅអធិការនគរបាលខណ្ឌចំការចំការមនរងចាំដោះស្រាយតាមច្បាប់៕ដោយសុខា