លោកឧត្តមសេនីយ៍ត្រីបញ្ជាក់ថាសព បានបញ្ជួនមកតម្កល់នៅវត្តដេអេ រង់ចាំសាច់ញាតិមកទទួលយកទៅ។ ដោយឡែកសេចក្តីរាយការពីស្រុកកែវសីមាបានឲ្យដឹងថា មានស្ត្រីម្នាក់ឈ្មោះ មុន ចាន់ធឿន ត្រូវបានក្រុមគ្រួសារប្រកាសថាបានបាត់ខ្លួនច្រើនថ្ងៃមកហើយ ដោយពុំទទួលបានដំណឹងអ្វីទាល់តែសោះ។ ករណីនេះស្នងការដ្ឋានបានផ្តល់ព័ត៌មាននេះទៅក្រុមគ្រួសារផងដែរ។ ក្រោយផ្ទៀងផ្ទាត់រួច ក្រុមគ្រួសារបានអះអាងថា មិនមែនជាសមាជិកគ្រួសារខ្លួនដែលបាត់ខ្លួននោះឡើយ។
សូមជម្រាបថា នៅថ្ងៃទី ០៤ ខែកក្កដា ឆ្នាំ ២០២០ វេលាម៉ោង១០នឹង ២០នាទី កម្លាំងអធិការដ្ឋាននគរបាលស្រុកពេជ្រា សហការជាមួយកម្លាំងការិយាល័យជំនាញបច្ចេកទេស និងវិទ្យាសាស្ត្រ និងកម្លាំងនគរបាលប៉ុស្តិ៍ពូជ្រៃ បានចុះទៅ ពិនិត្យកន្លែងកេីត ហេតុករណី មនុស្សស្លាប់ នៅចំណុចក្បាលជ្រោះដៃអូរប៉ូយ ស្ថិតក្នុងភូមិចុងផាង ឃុំពូជ្រៃ ស្រុកពេជ្រាដា ខេត្តមណ្ឌលគិរី ។
កម្លាំងជំនាញការិយាល័យវិទ្យាសាស្រ្ត ក្នុងការពិនិត្យយេីងឃេីញសាកសពមានសភាពស្អុយរលួយអស់សល់តែស្បែកនឹងគ្រោងឆ្អឹងមានពាក់អាវសង្រែកពណ៍ ស ស្លៀកខោខ្លីពណ៍ខ្មៅ ជើងខាងស្តាំ របូតចេញពីខ្លួនចំងាយ ១,៦០ម ដៃស្តាំអោបជាប់នឹងដងខ្លួន ដៃឆ្វេងបត់ឡើងលើត្រឹមក្បាលពាក់កងដៃប្រាក់ចំនួន៣កង ជើងខាងឆ្វេងសណ្តូកត្រង់ជាប់នឹងគ្រោងដងខ្លួន មានសក់វែងពុំមានបាក់ឬបែក ។ តាមការពិនិត្យជាក់ស្តែងរបស់កម្លាំងជំនាញទៅលើទម្រង់ មុខ សក់នឹងកងដៃបញ្ជាក់ថា ជា សាកសព មនុស្សស្រី ពុំស្គាល់អត្តសញ្ញាណ ដែលស្លាប់គឺមានរយៈពេលប្រហែលជាង០១ខែមកហើយក្នុងការពិនិត្យលេីគ្រោងឆ្អឹងសាកសពទាំងមូលពុំមានស្នាមបាក់ បែកចំណុចណាមួយនោះទេ៕
