ភ្នំពេញ ៖ បុរស៣នាក់ ជិះម៉ូតូមួយគ្រឿងឌុបគ្នាត្រលប់មកពីខេត្តព្រៃវែងវិញ ក្នុងល្បឿនយ៉ាងលឿន បានវ៉ាជែងចូលគន្លងម្ខាងទៀត ក៏ជ្រុលទៅបុកជាមួយរថយន្តសាំយ៉ុងចំពីមុខចំហៀងខាងស្ដាំពេញទំហឹង បុេីងខ្ទាតអូសនិងថ្នល់ប្រហែល៥០ម៉ែត្រ បណ្ដាលឲ្យស្លាប់បាត់បង់ជីវិត២នាក់យ៉ាងអាណោចអាធ័ម និងម្នាក់ទៀតរងរបួសធ្ងន់ ត្រូវបានរថយន្តសង្គ្រោះដឹកយកទៅសង្គ្រោះនៅមន្ទីពេទ្យភ្លាមៗ ។
ហេតុការណ៍នេះបានកេីតឡើងនៅវេលាម៉ោង ២៣និង៤០នាទីយប់ ថ្ងៃទី១៥ ខែកក្កដា ឆ្នាំ២០២០ ដែលមានទីតាំងនៅតាមបណ្ដោយផ្លូវជាតិលេខ១ ស្ថិតក្នុងភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ។ សពបុរសរងគ្រោះទី១មានឈ្មោះ: សោម វិចិត្រ ភេទប្រុស អាយុ ២៦ឆ្នាំ មុខរបរ កម្មកររោងចក្រ មានស្រុកកំណេីតនៅ ឃុំ អង្គររាជ្រ ស្រុកព្រះស្ដេច ខេត្ត ព្រៃវែង ។
ចំណែកសពបុរសរងគ្រោះទី២និងបុរសម្នាក់ទៀតរងរបួសធ្ងន់ មិនទាន់ត្រូវបានស្គាល់អត្តសញ្ញាណនៅឡេីយនោះទេ ។
តាមប្រភពព័ត៍មានបានឲ្យដឹថា នៅមុនពេលកេីតហេតុ គេបានឃេីញបុរស៣នាក់ ជិះម៉ូតូមួយគ្រឿងម៉ាកហុងដាសេ១២៥ ពណ៍ខ្មៅ ពាក់ស្លាកលេខព្រៃវែង 1R-8990 ធ្វេីដំណេីរតាមបណ្តោយផ្លូវជាតិលេខ១ ទិសដៅពីព្រៃវែងមកភ្នំពេញ ពីកេីកមកលិច ក្នុងល្បឿនលឿន ខណៈមកដល់ចំណុចកេីតហេតុខាងលេី បានវ៉ាជែងរថយន្តមិនចាំម៉ាកមួយគ្រឿង ទៅខាងធ្វេងដៃរួចក៏ចូលគន្លងម្ខាងទៀត ភ្លាមនោះស្រាប់តែមានរថយន្តមួយគ្រឿង ម៉ាក សាំយ៉ុង (ប្រភេទរថយន្តឈ្នួល) ពណ៍ស ពាក់ស្លាកលេខ ភ្នំពេញ 2AQ-1947 ធ្វេីដំណេីរតាមផ្លូជាតិលេខ១ ទិសដៅពីភ្នំពេញ ទៅព្រៃវែង ពីលិចទៅកេីត បានបុកចំពីមុខចំហៀងខាងស្ដាំពេញទំហឹង បេុីងខ្ទាតអូសនឹងថ្នល់ប្រហែល៥០ម៉ែត្រ បណ្ដាលឲ្យបុរសពីរនាក់(ម្នាក់ជាអ្នកឌុបនិងអ្នកជិះកណ្ដាល)បានស្លាប់ភ្លាមៗនៅកន្លែងកេីតហេតុយ៉ាងអណោចអធម៍ ចំណែកឯអ្នករួមដំណេីរពីក្រោយរងរបួសធ្ងន់ ត្រូវបានបញ្ជូនទៅសង្គ្រោះជីវិតនៅឯមន្ទីរពេទ្យ ។ ចំណែករថយន្តរងការខូចខាតខ្ទេចមួយចំហៀងមុខផ្នែកខាងស្ដាំយ៉ាងដំណំ និងម៉ូតូខ្ទេចមមើលលែងយល់។ក្រោយពេលកេីតហេតុ សមត្ថកិច្ចមូលដ្ឋានបានទាក់ទងទៅជំនាញចរាចរណ៍ឲ្យមកធ្វេីការវាស់វែង យករថយន្តនិងម៉ូតូទៅរក្សាទុកនៅការិយាល័យចរាចរណ៍រាជធានីភ្នំពេញ រងចាំដោះស្រាយគ្នានៅពេលក្រោយ។ ដោយឡែកសពជនគ្រោះត្រូវបាន សមត្ថកិច្ចធ្វេីកំណត់ហេតុ រួច ប្រគល់ឲ្យទៅក្រុមគ្រួសារយកទៅធ្វេីបុណ្យតាមប្រពៃណី ៕ ចិត្រា