ភ្នំពេញ៖ បុរសម្នាក់ស្រវឹងស្រា បានបេីករថយន្តហាយឡែនឌ័រមិនប្រយ័ត្នរេចង្កូតជ្រុលទៅបុករថយន្តឡង់គ្រឺស័រកំពុងធ្វេីដំណេីរបញ្ច្រាស់ទិសគ្នាពេញទំហឹង បណ្ដាលឲ្យរងការខូចខាតយ៉ាងដំណំ ហេតុការណ៍នេះកេីតឡេីង កាលពីវេលាម៉ោង១០ និង៥០នាទីយប់ ថ្ងៃពុធ ទី២២ ខែកក្ដដា ឆ្នាំ២០២០ នៅតាមបណ្ដោយផ្លូវ៦០ម៉ែត្រ ស្ថិតក្នុងសង្កាត់ចាក់អង្រែលេី ខណ្ឌមានជ័យ រាជធានីភ្នំពេញ ។
តាមសម្ដីសន្តិសុខដែលប្រចាំការក្នុងការដ្ឋានក្បែរកន្លែងកេីតហេតុបានបង្ហេីបឲ្យដឹងថា មុនពេលកេីតហេតុគេបានឃេីញរថយន្តស៊េរីទំនេីបមួយគ្រឿងម៉ាក ឡង់គ្រឺស័រ ពណ៌ស ពាក់ស្លាកលេខ ភ្នំពេញ 2AM-0909 បានធ្វេីដំណេីរតាមបណ្ដោយផ្លូវ៦០ម៉ែត្រ ទិសដៅពីត្បូងមកជេីងក្នុងល្បឿនលឿនល្មម ខណៈមកដល់ចំណុចកេីតហេតុស្រាប់តែមានរថយន្តម៉ាក តូយ៉ូតា ហាយឡែនឌ័រ ពណ៌ស ពាក់ស្លាកលេខ ភ្នំពេញ 2U-0575 បានធ្វេីដំណេីរពីជេីងមកត្បូង(បញ្ច្រាស់ទិសគ្នា) ក្នុងល្បឿនយ៉ាងលឿន ហេីយបានរេចង្កូតមកឆ្វេងដៃជ្រុលទៅបុករថយន្តឡង់គ្រឺស័រ ចំប្រឆិតទ្វាខាងឆ្វេង ពេញទំហឹង បណ្ដាលឲ្យរថយន្តទាំងពីរគ្រឿងផ្ទុះពោងនិងដាច់កង់ រងការខូចខាតយ៉ាងដំណំ ។ ក្នុងករណីគ្រោះថ្នាក់ចរាចរណ៍ខាងលេីនេះមិនបណ្ដាលឲ្យមនុស្សរងរបួសនោះទេ ដោយករណីនេះសមត្ថកិច្ចបានឲ្យដឹងថា បណ្ដាលឲ្យមកពីភាគីរថយន្តហាយឡែនឌ័រ បេីកបរទាំងស្រវឹងនិងមិនប្រយ័ត្ន ។ ក្រោយកេីតហេតុ សមត្ថកិច្ចមូលដ្ឋានបានចុះទៅដល់កន្លែងកេីតហេតុភ្លាមៗ និងបានទាក់ទងជំនាញចរាចរណ៍ នៃស្នងការដ្ឋាននគរបាលរាជរាជធានីភ្នំពេញ ចុះមកធ្វេីការវាស់វែងយកទៅរក្សាទុក រង់ចាំដោះស្រាយតាមច្បាប់ពេលក្រោយ៕