កំពង់ចាម ៖ រសៀល ថ្ងៃទី ១៦ខែកក្កដា ឆ្នាំ ២០២០ ព្រះសីលសំវរៈ ប៊ត តាំងឆេង ព្រះរាជាគណៈថ្នាក់ចត្វា ព្រះនាគមុនី ព្រះមេគណខេត្តកំពង់ចាម ដឹកនាំ មន្ដ្រីសង្ឃសាលាគណខេត្ដកំពង់ចាម និងព្រះអនុគណ និងសហការីទាំង១០ ក្រុង/ស្រុក ក្នុងខេត្ដកំពង់ចាម និមន្តប្រគល់ គ្រឿងឧបភោគ និងបច្ច័យ ដល់ សាខាកាកបាទក្រហមកម្ពុជាខេត្តកំពង់ចាម ដេីម្បីចូលរួមចំណែកការងារមនុស្សធម៍ ។
ឆ្លៀតឱកាស នោះដែរ ឯកឧត្ដម អ៊ុន ចាន់ដា ឯកឧត្តម អ៊ុន ចាន់ដា ប្រធានគណៈ កម្មាធិការសាខា កាកបាទក្រហមកម្ពុជាខេត្តកំពង់ចាម បានថ្លែងព្រះអំណរគុណដល់ ព្រះសង្ឃគ្រប់បណ្តាលវត្តទាំងអស់ក្នុងខេត្តដែលបានសហការគ្នា ក្នុងការងារជួយសង្គម និងបានចូលរួមការកសាងប្រទេសជាតិ មិនថាវិស័យពុទ្ធិចក្រ ឬវិស័យអាណាចក្រឡេីយ។ ក្នុងពិធីនិមន្តរបស់មន្ត្រីសង្ឃក្នុងខេត្តកំពង់ចាម បានប្រគល់ គ្រឿងឧបភោគ និងថវិកា ដល់ សាខាកាកបាទក្រហមកម្ពុជាខេត្តកំពង់ចាម រួមមាន៖ អង្ករ១០០បេ បាឡុង១០០សម្រាប់ និងបច្ច័យ ៦លានរៀល៕