នាឱកាសនោះលោកជំទាវ ដួង វណ្ណា បានពាំនាំនូវប្រសាសន៍ផ្តាំផ្ញើសាកសួរសុខទុក្ខ និងក្តីនឹករលឹកពីសំណាក់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្តេចតែងតែគិតគូរដល់សុខទុក្ខប្រជាពលរដ្ឋគ្រប់ស្រទាប់វណ្ណ: ដោយមិនប្រកាន់ពណ៌សម្បុរ ពូជសាសន៍ និន្នាការនយោបាយអ្វីឡើយ ស្របតាមពាក្យស្លោក "ទីណាមានទុក្ខលំបាក ទីនោះមានកាកបាទក្រហមកម្ពុជា " ។
លោកជំទាវបានបញ្ជាក់បន្ថែមថា ជំងឺកូវីដ ១៩ នេះមិនទាន់ចប់នៅឡើយទេ ហេតុនេះយើងត្រូវប្រុងប្រយ័ត្នខ្ពស់បន្ថែមទៀតនៅដំណាក់កាលរលកទី ២ ក្នុងការពារសុខភាព និងធ្វើអនាម័យតាមការណែនាំរបស់លោក គ្រូពេទ្យ និងការផ្សព្វផ្សាយរបស់ក្រសួងសុខាភិបាលជាប់ជានិច្ច ពីព្រោះជំងឺឆ្លងកូវីដ ១៩ មិនទាន់រលាយបាត់ពីផែនដីនៅឡើយទេ ជំងឺនេះកាចសាហាវណាស់ វាអាចឆ្លងពីមនុស្សម្នាក់ ទៅមនុស្សម្នាក់ទៀត និងអាចធ្វើឲ្យបាត់បង់ជីវិតដោយគ្មានថ្នាំព្យាបាលនោះទេ(យើងភ្លេចកូវីដ ១៩ ប៉ុន្តែ កូវីដ ១៩ មិនភ្លេចយើងនោះទ្បើយ) ។ ហើយខិតខំប្រកបរបរបន្ថែមដើម្បីផ្គត់ផ្គង់ជីវភាពគ្រួសារ ណែនាំកូនចៅឲ្យគោរពច្បាប់ចរាចរណ៍ និងជៀសឲ្យឆ្ងាយពីគ្រឿងញៀន ។
អំណោយដែលបានចែកជូនប្រជាពលរដ្ឋទាំង ៧១ គ្រួសារ ក្នុង ១ គ្រួសារទទួលបាន អង្ករ ២៥ គ.ក្រ មី ១ កេស ត្រីខ ១០ កំប៉ុង អាវយឺត ២ សាប៊ូ ២ ដុំ ក្រម៉ា ១ ម៉ាស់ ១ ថវិកា ៤០,០០០ រៀល លោកជំទាវ ដួង វណ្ណា បានឧបត្ថម្ភបន្ថែមដល់ប្រជាពលរដ្ឋទាំង ៧១ គ្រួសារ ក្នុង ១ គ្រួសារថវិកា ១០,០០០ រៀល ៕
.jpg)
