ការដែលអាចប្រើប្រាស់ភាសាបរទេសបានយ៉ាងស្ទាត់ជំនាញជាឱកាសដែលនាងមានលទ្ធភាពបង្ហាញពីសិល្បៈបុរាណខ្មែរ ដល់បានបរទេសបានស្គាល់ទៀតផងនៅពេលដែលកញ្ញា ទៅសម្ដែងក្រៅប្រទេស ដូចជា ជប៉ុន សិង្ហបុរី ឥណ្ឌា កូរ៉េ ចិន អារ៉ាប់រួម ថៃ និង វៀតណាម ជាដើម ដែលភាគច្រើន គឺជាការអញ្ជើញឲ្យទៅទស្សនកិច្ចនៅក្រៅប្រទេសជាផ្លូវការ ឬទៅធ្វើបទបង្ហាញផ្លាស់ប្ដូរបទពិសោធន៍សិល្បៈរវាងប្រទេសផ្សេងៗជាដើម។
ជាការពិតណាស់ ជាញឹកញាប់នៅក្នុងពិធីសម្ដែងសិល្បៈធំរបស់ជាតិ ក៏មានវត្តមាននាដការីរូបស្អាតនេះចូលរួមសម្ដែង ដោយបង្ហាញនូវកាយវិការទន់ភ្លន់គួរឲ្យចាប់ចិត្តផងដែរ។ ទោះជាមានចំណេះដឹងផ្នែកភាសាអង់គ្លេស ដែលអាចប្រើការបាន និងមានលទ្ធភាពទទួលការងារថ្មីក៏ដោយ ក៏នាងមិនមានបំណងបោះបង់អាជីពជានារីរបាំនេះចោលឡើយ ផ្ទុយទៅវិញនាងមានការសប្បាយចិត្តពេលបានប្រើប្រាស់ភាសាដែលខ្លួនចេះនេះ រៀបរាប់ពីសិល្បៈបុរាណខ្មែរឲ្យគេបានដឹង។ សេរី សុវណ្ណកុសន ជាស្រីកូនទោលក្នុងគ្រួសារមួយដែលមានឪពុកជាមន្រ្តីរាជការ និងម្តាយជាស្រ្តីមេផ្ទះ។ នាងមានវ័យ២៥ ឆ្នាំ កំពុងបម្រើការងារនៅសាកលវិទ្យាល័យភូមិន្ទវិចិត្រសិល្បៈ និងជាគ្រូបង្រៀនភាសាអង់គ្លេ គោលដៅអនាគតនាងចង់ក្លាយជាគ្រូបង្រៀនមួយរូបផ្នែកសិល្បៈបុរាណ៕
អត្តបទ ; ច្រឹក ស្រីអូន
រូបភាព.យូធូប....Meng Bunlo Star......
