About Me

header ads

ក្រុមយុវជន ស.ស.យ.ក. ខេត្តប៉ៃលិន បានចុះអប់រំផ្សព្វផ្សាយពីវិធានការទប់ស្កាត់ ជម្ងឺកូវីដ១៩

ខេត្តប៉ៃលិន៖ ដោយមានការណែនាំជាប្រចាំពីសំណាក់លោកជំទាវ បាន ស្រីមុំ អ្នកតំណាងរាស្ត្រមណ្ឌលប៉ៃលិន និងជាប្រធាន ស.ស.យ.ក ខេត្ត ទើបកាលពីថ្ងៃទី២២ ខែមិថុនា ឆ្នាំ២០២០ កន្លងទៅនេះ ក្រុមយុវជន ស.ស.យ.ក. បាននាំគ្នាចុះផ្សព្វផ្សាយស្តីពីវិធានការបង្ការ និង  ទប់ស្កាត់ជម្ងឺ Covid 19 នៅតាមមូលដ្ឋានក្នុងខេត្តប៉ៃលិន ខណៈប្រទេសជិតខាង ក៍ដូចជាពិភពលោកទាំងមូលកំពុងតែមានការឆ្លងរីករាលដាលជារៀងរាល់ថ្ងៃ ជាហេតុធ្វើឱ្យមនុស្សម្នាក់ៗមានការព្រួយបារម្ភពីសុវត្ថិភាពសុខភាពគ្របៗគ្នាតែម្តង ។​ ប្រភពព័ត៍មាន បានឱ្យដឹងថា សហភាពព័ន្ធយុវជនកម្ពុជាខេត្តប៉ៃលិន (ស.ស.យ.ក.ខេត្តប៉ៃលិន) ដោយមានការណែនាំ ជាប្រចាំពីសំណាក់លោកជំទាវ បាន ស្រីមុំ ប្រធាន ស.ស.យ.ក ខេត្តរហូតមកដល់ពេលនេះ បាននាំគ្នាចុះផ្សព្វផ្សាយស្តីពីវិធានការបង្ការទប់ស្កាត់ Covid 19 នៅឃុំចំនួនពីរ ដោយចែកក្រុមយុវជនទាំងនោះបានបែងចែកជាពីរក្រុម គឺ១ក្រុមផ្សព្វផ្សាយនៅក្នុងឃុំសាលាក្រៅ និង១ក្រុមទៀត ចុះផ្សព្វផ្សាយនៅឃុំស្ទឹងត្រង់ ។ ប្រភពបន្តទៀតថា ក្រុមយុវជននីមួយៗ បានផ្សព្វផ្សាយឱ្យពលរដ្ឋក្មេងចាស់ប្រុសស្រីនៅតាមគោលដៅ ចេះរស់នៅមានអនាម័យខ្ពស់ ដោយរស់នៅស្អាត ហូបស្អាត និងផឹកស្អាត ត្រូវលាងដៃនឹងសាប៊ូជាប្រចាំ ឬលាងដៃនឹងទឹកអាល់កុលជាដើម ដើម្បីចូលរួមការពារ និងទប់ស្កាត់ជម្ងឺកូវីដ១៩ ។