ភ្នំពេញ៖ រថយន្តបែន ដឹកដីមួយគ្រឿង ខណៈអ្នកបេីកបរ បានបេីកចុះពីលើស្ពាន ព្រែកសំរោងវិញ សង្ស័យដាច់ហ្វ្រាំងក៍ជ្រុលបុកឡើងលើ រង្វង់មូល បណ្ដាលឲ្យរងការខូចខាត ហេីយរថយន្តមិនទាន់អស់ល្បឿនក៏បន្តទៅបុកចូល ស្តង់លក់គ្រឿងសង្ហារឹម និងថ្នាំពេទ្យ បណ្តាលឲ្យរងការខូចខាតសំភារៈយ៉ាងដំណំ បន្ថែមទៀត ។ ហេតុការណ៍នេះ បានកើតឡើងនៅវេលាម៉ោង ៦និង៤០នារី ព្រលប់ ថ្ងៃទី៩ ខែមិថុនា ឆ្នាំ២០២០ ចំនុចរង្វង់មូលស្ពានព្រែកសំរោង ផ្លូវថៃហ្គ័រ ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
តាមប្រភព ព័ត៌មានពីកន្លែងកើតហេតុ បានអោយដឹងថា មុនពេលកេីតហេតុ គេបានឃើញ បុរសម្នាក់ បានបេីករថយន្តមួយគ្រឿងជាប្រភេទ បែនដឹកដី ពណ៌ប្រផេះ ពាក់ស្លាកលេខ ភ្នំពេញ 3E-3524 បានធ្វើដំណើរ ឆ្លងកាត់ ស្ពានព្រែកសំរោង ក្នុងទិសដៅ ពីត្បូងទៅជើង ចុះពីលើស្ពានវិញ សង្ស័យ រថយន្តដាច់ហ្វ្រាំង ទេីបបណ្ដាលឲ្យ រថយន្ត ជ្រុលបុកឡើងលើសួនរង្វង់មូលស្ពានព្រែកសំរោង បណ្តាលឲ្យរងការខូចខាត ដេីមឈេី ឃឿនចិញ្ចើមសួន អស់មួយចំនួន ហើយរថយន្តបង្ករមិនទាន់អស់ល្បឿន ក៍បន្តជ្រុលទៅបុក ចូលដេប៉ូ លក់គ្រឿងសង្ហារឹម និងថ្នាំពេទ្យ យីហោ (ម៉ាក់ អារ៉ូ)បណ្តាលឲ្យ រងការខូចខាតខូចខាត តុទូគ្រែ និងថ្នាំពេទ្យ អស់មួយចំនួនធំ ទេីបកល់រថយន្តជាប់ទៅមុខលែងរួច តែសំណាងល្អមិនបង្កឲ្យនណាម្នាក់រងរបួសនោះទេ ។ ចំណែក អ្នកបេីកបរ បានចុះពីលើរថយន្ត គេចខ្លួនបាត់ស្រមោលតែម្តង ។
ក្រោយពេលកេីតហេតុ សមត្ថកិច្ចជំនាញចរាចរណ៍បានចុះមកដល់ក៏បានធ្វេីការវាស់វែង តែម្ចាស់ដេប៉ូលក់គ្រឿងសង្ហារឹម មិនទាន់អោយសមត្ថកិច្ច យករថយន្តចេញទេ ទាល់តែមានតំណាងក្រុមហ៊ុន ចេញមុខមកធ្វើការដោះស្រាយគ្នា ទើបអនុញាតិអោយសមត្ថកិច្ចជំនាញចរាចរណ៍យករថយន្តទៅរក្សាទុកនៅការិយាល័យចរាចរណ៍ រាជធានីភ្នំពេញ ផងដែរ ។