ឯកឧត្តម ប៉ាន់យារ៉ាក់ ភូនសាប់ ឯកអគ្គរាជទូតប្រចាំស្ថានឯកអគ្គរាជទូតថៃនៅកម្ពុជា បានបញ្ជាក់ពីគោលបំណងសំខាន់ក្នុងការរៀបចំយ៉ាងដូច្នេះថាៈ បាទនៅថ្ងៃនេះជាការរៀបចំកម្មវិធីអបអរខួបលើកទី ៧០ នៃការបង្កើតទំនាក់ទំនងការទូតរវាងប្រទេសកម្ពុជានិងថៃ ដើម្បីឱ្យប្រជាជននៃប្រទេសទាំង ២ មានចំណែកចូលរួមគ្រប់លំដាប់ថ្នាក់ផងដែរ។ ពិតជាមានក្តីសោមនស្សមែនទែន ដែលយើងទទួលបាននូវរូបថតដ៏ស្រស់ស្អាត ដោយឆ្លុះបង្ហាញពីអត្ថន័យនៃសម្ព័ន្ធភាពរបស់ប្រទេសទាំង ២ ពីការចូលរួមរបស់អ្នកថតរូបទាំងអស់។ ដោយឡែកក្នុងកម្មវិធីប្រកួតនេះ យើងក៏មានគណៈកម្មការ ដែលរួមមានតំណាងពីស្ថានទូត រួមទាំង សាស្ដ្រាចារ្យដែលជាអ្នកជំនាញពីប្រទេសថៃ និងសាស្ដ្រាចារ្យពីសាកលវិទ្យាល័យភូមិន្ទវិចិត្រសិល្បៈ ជាអ្នកជំនាញពីប្រទេសកម្ពុជា បានធ្វើការសម្រេចដាក់ពិន្ទុលើរូបថត ដែលធ្វើអោយមានការបង្កើតកម្មវិធីប្រគល់រង្វាន់នៅក្នុងថ្ងៃនេះ។
ម្ចាស់ជ័យលាភីពានរង្វាន់លេខ១ ប្រចាំកម្មវិធីប្រកួតថតរូបក្រោមប្រធានបទ «៧០ ឆ្នាំ នៃចំណងមិត្តភាពក្នុងកែវភ្នែកខ្ញុំ» លោក Vithilpol Srivaraluck បានបង្ហាញពីអារម្មណ៍រំភើប និងបញ្ជាក់ប្រាប់ពីអត្ថន័យនៅក្នុងរូបថតដែលលោកបានផ្តិតយកដើម្បីបង្ហាញអំពីភាពទន់ភ្លន់នៃចំណងមិត្តភាពរវាងប្រទេសកម្ពុជា និងថៃ។
.jpg)
