ការឡោមពទ្ធចាប់ក្រុមជនល្មើសដាក់លប់ចាប់សត្វននៀលខ្យងខាងលើនេះក្រោយពីទទួលព័ត៌មានពីប្រជាពលរដ្ឋរាយការណ៍បានធ្វើឡើងនៅវេលាម៉ោង៩និង៣០នាទីព្រឹកថ្ងៃទី១៣មិថុនា២០២០នៅទីតាំងចំណុចវាលស្រែខាងលើ ។
នាយនគរបាលប៉ុស្តិ៍រដ្ឋបាលសង្កាត់កំពង់ឆ្នាំងលោក ឯកណារ៉ា បានដឹងថាខណៈដែលមន្រ្តីនគរបាលប៉ុស្តិ៍រដ្ឋាបាល សហការជាមួយប្រជាការពារធ្វើការល្បាតនៅចំណុច ខាងលើ ត្រូវបានប្រជាពលរដ្ឋរាយការណ៍ថា មានជនល្មើស កំពុងតែដាក់លប់ វ៉ៃចាប់សត្វ ននាលខ្យង នៅចំណុច វាលស្រែទួលអំពិល ពេលនោះសមត្ថកិច្ចនិងប្រជាការពារក៏បានទៅ ឡោមពទ្ធ័ធ្វើការចាប់ឃាត់ខ្លួនជនសង្ស័យចំនួន 2 នាក់ រួម ជាមួយសត្វននាលខ្យងចំនួន 5 ក្បាល .លុប ចំនួន 2 គ្រឿង និងម៉ូតូចំនួន 1 គ្រឿង ផងដែរ ។
សមត្ថកិច្ចបានអោយដឹងថាជនសង្ស័យទី 1 ឈ្មោះ ប៉ឹន ស្នា អាយុ 26 ឆ្នាំ ទី 2 ឈ្មោះប៉ឹន ណេត អាយុ 24 ឆ្នាំ ទាំងពីរនាក់មានទីលំនៅជាមួយគ្នាក្នុងភូមិកំពង់ផ្ចឹក ឃុំអណ្ដូងស្នាយស្រុករលាប្អៀរ ។
នៅចំពោះមុខសមត្ថកិច្ចបានជនសង្ស័យទាំង 2នាក់បានសារភាពថា កន្លងមកពួកគេតែងយកលប់ ទៅដើរដាក់ចាប់សត្វននាលខ្យង និងសត្វផ្សេងៗទៀតជាច្រើនលើកច្រើនសារណាស់មកហើយ នៅចំណុចខាងលើ ពេលចាប់បាន ពួកគេយកទៅលក់ឲ្យពួកអ្នកលក់សត្វព្រៃនៅភូមិអូរសណ្ដាន់ ឃុំទឹកហូត ស្រុករលាប្អៀរ ដោយក្នុងមួយក្បាល លក់បាន២ម៉ឺនរៀល ។
ជនសង្ស័យទាំង 2 នាក់រួមនឹងវត្ថុតាង ត្រូវបានសមត្ថកិច្ចនគរបាល ប្រគល់ឲ្យមន្ត្រីជំនាញដើម្បីចាត់ការតាមនីតិវិធី ច្បាប់ ។
នៅចណុចភូមិអូសណ្តាន់ឃុំទឹកហូតបណ្តោយផ្លូវជាតិលេខ៥ត្រូវគេមើលឃើញដាក់លក់សត្វគ្រប់ប្រភេទមិនដែលឃើញមានសមត្ថកិច្ចធ្វើការបង្ក្រាបម្តងណានោះឡើយ ។
សូមបញ្ជាក់ផងដែរថាជារៀងរាល់ឆ្នាំអោយតែដល់រដូវវស្សាសត្វននៀលខ្យងទាំងហ្ចូងហើរពីទីឆ្ងាយមករកស៊ីនៅក្នុងតំបន់នេះ មិនដែលមានរឿងហេតុអ្វីនោះឡើយខណះដែលសត្វប្រភេទនេះកំពង់អភិរក្សផងដែរ ៕
ដោយ សុក្ខារិន
