អាជ្ញាធរសង្កាត់ចោមចៅទី៣បាននិយាយថា ដែលបងប្អូនប្រជាពលរដ្ឋដែលជាអាជីវករមួយចំនួនបសនយកចំណីផ្លូវខាងលើធ្វើជាចំណាប់ខ្មាំង សង់តូបលក់ដូរ ផ្ទះ និងសំយ៉ាបផ្ទះរំលោភលើផ្លូវដើម្បីធ្វើអាជីវកម្មផ្ទាល់ខ្លួនដោយមិនបានគិតពីផលប៉ះពាល់ដល់អ្នកដ៏ទៃឡើយ។ ដែលជាហេតុបង្កឲ្យមានការស្ទះចរាចរណ៍ ព្រោះតែផ្លូវតូចចង្អៀតពិបាកក្នុងការធ្វើដំណើរទាំងទៅទាំងមក ជាពិសេសបង្កការក្ដៅក្រហាយដល់អ្នកដ៏ទៃគ្រប់ៗគ្នា ចំណែកអាជ្ញាធរក៏មានការព្រួយបារម្ភខ្លាចប្រឈមនិងការយឺតយ៉ាវក្នុងការសង្រ្គោះខណៈពេលមានឧប្បត្តិហេតុកើតឡើងដោយប្រការណាមួយផងដែរ។
ប្រភពដដែលបានបន្តទៀតថា ដោយមើលឃើញពីការលំបាកនេះហើយទើបកន្លងមកមុននិងឈានដល់ពេលរុះរើអាជ្ញាធរបានជូនដំណឹងឲ្យពួកគាត់រុះរើជាច្រើនលើករួចមកហើយប៉ុន្តែពួកគាត់មិនព្រម ទើបពេលនេះអាជ្ញាធរដាក់កម្លាំងចុះធ្វើការរុះរើ ហើយពួកគាត់ក៏ស្នើរសុំឲ្យផ្អាកសិនរង់ចាំពួកគាត់រុះរើដោយខ្លួនឯងវិញ។ទន្ទឹមនិងនេះអាជ្ញាធរសង្កាត់ចោមចៅទី៣ ក៏សូមសំណូមពរដល់បងប្អូនអាជីវករទាំងអស់ដែលលក់នៅតាមបណ្តោយផ្លូវបេតុងខាងលើ សូមមេត្តជួយសហការនិងរៀបចំទាំងអស់គ្នាដើម្បីឲ្យមានភាពកាន់តែល្អប្រសើរឡើង និងងាយស្រួលក្នុងការធ្វើដំណើរទាំងអស់គ្នា៕
.jpg)
