លោក ណាត ប៉ូរ បានបញ្ជាក់អោយដឹងទៀតថា ៖ ឆ្លងតាមបទពិសោធន៍រយះពេល៣ឆ្នាំកន្លងមក នៅឆ្នុងចុងក្រោយនេះ ការដាំត្រសក់លោកបានលើករងអោយខ្ពស់ផុតទឹក ហើយត្រូវយកក្រណាត់កៅស៊ួគ្របពីលើរង ហើយចោះរន្ធដាំកូនត្រសក់ ដោយត្រូវប្រើដើមឫស្សីឃ្លៃធ្វើទ្រឿងត្រសក់ជាជួរលើរង និងចងខ្សែនីឡុងតាមបណ្តោយទ្រឿង សម្រាប់អោយដៃត្រសក់តោងឡើងទ្រឿង មានផ្កានិងផ្លែល្អ ។
ក្នុងនោះដែរត្រូវប្រើប្រាស់កម្លាំងកម្មករជួយថែទាំចំនួន៣នាក់និងអ្នកបូមទឹកស្រោចស្រពដាក់ជីធម្មជាតិ និងដើទាញដៃត្រសក់អោយតោងខ្សែនីឡុងអោយឡើង ។
ដោយឡែកចំពោះប្រព័ន្ធទឹកស្រោចស្របវិញលោកបានរៀបចំប្រព័ន្ធទុយោទឹកបង្កប់តាមគុម្ពត្រសក់ដើម្បីជាលក្ខណះងាយស្រួល គឺពេលបញ្ឆេះម៉ាស៊ីនបូមទឹកមក ប្រព័ន្ធទឹកបានហូរចេញស្រោចស្រពគ្រប់គុម្ពត្រសក់ក្នុងចំការទាំងអស់តែម្តង។
ចំណែកការដាំដុះត្រសក់នេះត្រូវប្រើរយះពេល៥០ថ្ងៃគឺ ពី២០ថ្ងៃទៅ៣០ថ្ងៃ វានិងចេញផ្កាផ្លែហើយ វាក៍ហុចផលអោយយើងបេះលក់ក្នុងរយះពេល២០ថ្ងៃជាប់គ្នាទៀងតែម្តង ទើបវាអស់ផ្លែ។
ប៉ុន្តែដើមត្រសក់ដែលលោកកំពុងដាំក្នុងពេលនេះ មានមានអាយុ១៥ថ្ងៃហើយ ដែលខ្លះកំពុងចេញផ្កា និងចេញក្តឹមជាបណ្តើរហើយផងដែរ ។
បច្ចេកទេសខាងលើនេះ ក៏ជាបទពិសោធន៍មួយក្នុងការដាំដុះដាំណាំត្រសក់ សំរាប់ប្រជាកសិករយើងនៅតាមមូលដ្ឋានដែលគួរតែរៀនសូត្រតាមផងដែរ ៕
ដោយសុក្ខារិន
.jpg)
