កោះកុង៖ នៅថ្ងៃទី ៣០ ខែ ឧសភា ឆ្នាំ ២០២០ វេលាម៉ោង ១២:១០ នាទី ថ្ងៃត្រង់ នៅចំណុចផ្លូវ៤៨ ចន្លោះគីឡូម៉ែត្រ១៨ - ១៩ស្ថិតក្នុងភូមិតាធង.ឃុំដងពែង.ស្រុកស្រែអំបិល មានករណីគ្រោះថ្នាក់ចរាចរណ៍ ០១លេីក រវាងម៉ូតូ បុកនឹងម៉ូតូ ក្នុងទិសដៅ បញ្ច្រាសគ្នា (ពីកើតទៅលិច) ។
សមត្តកិច្ច ស្រុកស្រែអំបិលបានបញ្ជាក់ថា ម៉ូតូ Dream C 125 ពណ៌ខ្មៅ គ្មានស្លាកលេខ ជិះគ្នាចំនួន ០៤ នាក់ (អត់ពាក់មួកសុវត្ថិភាព) បេីកបរដោយឈ្មោះ តេង ទី ភេទប្រុស អាយុ២៧ឆ្នាំ (រងរបួសធ្ងន់) មានទីលំនៅភូមិជីខ ឃុំជីខលើ.ស្រុកស្រែអំបិល ក្នុងទិសដៅពីកើត ទៅលិច ចំណែកឯអ្នករួមដំណើរ ០៣ នាក់ទៀត មានម្នាក់រងរបួសធ្ងន់ ឈ្មោះ ប៉ុន ណួយ ភេទស្រី អាយុ២៥ឆ្នាំ ដោយបានបុកនឹងម៉ូតូ Race Sport ពណ៌ក្រហម ពាក់ស្លាកលេខ ភ.ព1F4087 ជិះគ្នា ២ នាក់ បើកបរដោយឈ្មោះ ទឹម សំអច ភេទប្រុស អាយុ២៩ឆ្នាំ (រងរបួសស្រាល) មានទីលំនៅភូមិអណ្តូងទឹក.ឃុំអណ្តូងទឹក.ស្រុកបុទុមសាគរ និងអ្នករួមដំណើរ រងរបួសស្រាល។
ក្នុងហេតុការណ៍នោះដែរ ជនរងគ្រោះ ត្រូវបានសង្គ្រោះ ទៅព្យាបាល នៅមន្ទីពេទ្យបង្អែកស្រុកស្រែអំបិល ចំណែកវត្ថុតាងទាំងពីរ យកទៅរក្សាទុកនៅអធិការដ្ឋាននគរបាលស្រុកស្រែអំបិល ដើម្បីរងចាំភាគីទាំងសងខាងចូលខ្លួនមកដោះស្រាយ។