ភ្នំពេញ៖ ជនសង្ស័យម្នាក់ត្រូវបាន ម្ចាស់ផ្ទះ រួមជាមួយប្រជាពលរដ្ឋ ឃាត់ខ្លួនអោយសមត្ថកិច្ចប៉ុស្តិ៍នគរបាលស្ទឹងមានជ័យ១ បន្ទាប់ពីជនសង្ស័យរូបនោះ បំរុងឆ្កិះសោរផ្ទះលួចទ្រព្យសម្បត្តិ កាលពីវេលាម៉ោង ១និង៣០នាទី រំលងអធ្រាត្រឈានចូល ថ្ងៃទី២៣ ខែមិថុនា ឆ្នាំ២០២០ ទុលមុខនិងផ្ទះសំណាក់ ស្ទឹងលាភ ផ្លូវបេតុង សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ។
ជនសង្ស័យមានឈ្មោះ អិន ឧត្តម ហៅចិន អាយុ២០ឆ្នាំ មុខរបរ មិនពិតប្រាកដ ស្នាក់នៅផ្ទះជួល សង្កាត់ស្ទឹងមានជ័យ១ ខណ្ឌមានជ័យ ។សមត្ថកិច្ច ដកហូត សោរតាន់១ដុំ និងកង់កញ្ចាស់មួយ
តាមសម្ដី បុរសជាម្ចាស់ផ្ទះ សុំមិនបញ្ចេញឈ្មោះបានឲ្យដឹងថា មុននឹងឈានដល់ការឃាត់ខ្លួនជនសង្ស័យ គឺរូបលោក ត្រឡប់មកពីហូបអីមួយមិត្តភ័ក្ដិ លុះមកដល់ជិតផ្ទះ ក៍ឈប់រថយន្ដ ហេីយសំឡឹងឃើញ បុរសជាជនសង្ស័យ កំពុងតែជិះកង់ ឈប់នៅមុខផ្ទះ ដោយសកម្មភាព អេីតឡឺម ងាកឆ្វេងស្ដាំ ហើយដោយឃើញសភាពមិនស្រួល រូបគាត់បានតេទូរសព្ទ័ ទាក់ទងទៅសមត្ថកិច្ច អោយមកដល់ផ្ទះ ហេីយក៍បានឃាត់ខ្លួន បុរសខាងលើ សួរនាំឆែកឆេរស្រាប់តែរកឃើញនូវ ឧបករណ៍សម្រាប់ ឆ្កឹះសោរ មួយដុំ នៅក្នុងខ្លួន ទេីបប្រគល់អោយសមត្ថកិច្ច យកទៅសាកសួរនៅប៉ុស្តិ៍នគរបាលស្ទឹងមានជ័យ១តែម្តង ។ បច្ចុបន្បន្នជនសង្ស័យ កំពុងឃាត់ខ្លួននៅ ប៉ុស្តិ៍នគរបាលរដ្ឋបាលស្ទឹងមានជ័យទី១ ដើម្បីកសាងសំណុំរឿងចាត់ការតាមនីតិវិធី៕