ស្ត្រីរងគ្រោះមានឈ្មោះ សួន សុខគៀង អាយុ៣៥ឆ្នាំ មុខរបរចុងភៅ ស្នាក់បន្ទប់ជួលខាងលើ ដែលស្ថិត នៅក្នុងភូមិឬស្សី សង្កាត់ស្ទឹងមានជ័យ២ ខណ្ឌមានជ័យ។តាមប្រភពពីស្រ្តីរងគ្រោះខាងលើបានឲ្យដឹងថា មុនពេលកើតហេតុ នៅក្នុងបន្ទប់មានក្មេងៗ ២~៣នាក់រួមនឹងខ្លួនផងដែរ បានសម្រាកលង់លក់ក្នុងដំណេកយ៉ាងស្រួលដូចសព្វដង ប៉ុន្តែទ្វារមិនបានចាក់សោរទេ គ្រាន់តែចាក់កន្លឹះតែប៉ុណ្ណោះ ចំណែកឯម៉ូតូត្រូវបានដាក់ក្បែរគ្រែដូចសព្វដង រីឯលុយចំនួនជាង១៣០០ដុល្លារបានទុកក្នុងកញ្ចប់ថង់លើក្បាលដំណេក។ គាត់បានបន្តទៀតថា មិនដឹងថាជនសង្ស័យទាំងនោះធ្វើសកម្មភាពឆ្កឹះសោរចូលក្នុងបន្ទប់តាំងពីពេលណាទេ ស្រាប់តែឃើញទ្វារចំហរ រីឯម៉ូតូបានបាត់ទើបមានការភ្ញាក់ផ្អើលឆោរឡោតែម្តង សូម្បីតែលុយដែលទុកលើក្បាលដំណេកក៏បាត់ដែរ។
ក្រោយពេលកេីតហេតុស្ត្រីរងគ្រោះខាងលេី បានទៅដាក់ពាក្យបណ្ដឹងនៅប៉ុស្តិ៍នគរបាលស្ទឹងមានជ័យទី២ ដេីម្បីឲ្យសមត្ថកិច្ចប្រកាសតាមវិទ្យុទាក់ទងគ្រប់បណ្ដាខណ្ឌទាំងអស់ឲ្យជួយមេីល ក្រោយពីទទួលបានព័ត៌មានភ្លាមៗកម្លាំងល្បាតនគរបាលខណ្ឌមានជ័យសហការជាមួយនគរបាលមូលដ្ឋានធ្វើការចុះអន្តគមន៍ ល្បាតគ្រប់ច្រកល្ហក់ ក៏បានប្រះទះឃើញជនសង្ស័យ៤នាក់កំពុងតែជិះម៉ូតូជនរងគ្រោះ ពេលឃេីញសមត្ថកិច្ចភ្លាម ក៏បានជិះគេចខ្លួនមកដល់ក្បែរនិងទីលានចាក់សំរាមចាស់ ហេីយក៏ផ្តួលម៉ូតូចោលរត់គេចខ្លួនបាត់ស្រមោល ជាមួយនិងលុយចំនួន $ ១៣០០ ។បច្ចុប្បន្នសមត្ថកិច្ចនៅតែបន្តស្រាវជ្រាវកំណត់មុខសញ្ញាយកមកផ្តន្ទាទោស មិនឱ្យរួចផុតពីសំណាញ់ច្បាប់បានឡើយ ៕
.jpg)
.jpg)
