នាព្រឹកថ្ងៃទី១៥ ខែមិថុនា ឆ្នាំ២០២០ សហព័ន្ធកីឡាសូហ្វតិន្នីសកម្ពុជា បានបើកការប្រកួតកីឡាសូហ្វតិន្នីសដណ្ដើមពានរង្វាន់សម្ដេចក្រឡាហោម ស ខេង លើកទី៧ និងការប្រកួតជ្រើសរើសជើងឯក ថ្នាក់ជាតិ លើកទី៤ ឆ្នាំ២០២០ នៅក្នុងបរិវេណទីលានសូហ្វតិន្នីសកម្ពុជា នាពហុកីឡដ្ឋានជាតិ។
បន្ទាប់ពីគណៈកម្មការអន្ដរក្រសួង ដើម្បីប្រយុទ្ធប្រឆាំងជំងឺកូវីដ–១៩ បានអនុញ្ញាតឲ្យមានការប្រមូលផ្តុំហ្វឹកហាត់និងការប្រកួតលីគ ក៏ដូចជាដំណើរការសកម្មភាពកីឡាឡើងវិញជាជំហានៗ។ប៉ុន្តែការអនុញ្ញាតនេះ ក្រសួងក៏បានកំណត់លក្ខខណ្ឌវិធានការតម្រូវអោយមានផែនការច្បាស់លាស់ ដើម្បីធានាសុវត្ថិភាព និងទប់ស្កាត់នៃការឆ្លងរលកទីពីរជំងឺកូវីដ១៩ តាមគោលការណ៍លក្ខខណ្ឌសុវត្ថិភាព។
