ភ្នំពេញ៖ បុរសជនជាតិចិនម្នាក់បេីករថយន្តអូឌីក្នុងល្បឿនលឿនទាំងបំពានភ្លេីងស្តុបជ្រុលទៅបុករថយន្តហាយឡែនឌ័រពីចំហៀងពេញទំហឹងបណ្តាលឱ្យរងការខូចខាតយ៉ាងដំណំហេីយរថយន្តហាយឡែនឌ័រជ្រុលទៅបុកនិងស្លាកតំលៃសាំងរបស់ស្ថានីយ៍ប្រេងឥន្ទនះសូគីមិចរងការខូចខាតថែមទៀត។
ហេតុការណ៍នេះបានកេីតឡេីងកាលពីវេលាម៉ោង១១និង៥០នាទីយប់ថ្ងៃទី៩ខែមិថុនា ឆ្នាំ២០២០ នៅចំណុចស្តុបទេពផន តាមបណ្តោយផ្លូវលេខ១៨២ កែងផ្លូវម៉ៅសេទុង ស្ថិតក្នុងសង្កាត់ទឹកល្អកទី៣ ខណ្ឌទួលគោក។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកហាយឡែនឌ័រ ពណ៍ស្ក ពាក់ស្លាកលេខភ្នំពេញ2Y 0603 បេីកបរដោយបុរសម្នាក់ ធ្វេីដំណេីរតាម បណ្តោយផ្លូវលេខ១៨២ ក្នុងទិសដៅពីកេីតទៅលិចខណះមកដល់ចំណុចកេីតហេតុដោយសារតែស្តុបភ្លេីងខឿវទេីបគាត់បន្តដំណេីរទៅមុខលុះមកដល់ពាក់កណ្តាលស្តុបស្រាប់តែមានបុរសជនជាតិចិនម្នាក់បេីករថយន្តម៉ាកOD ពណ៍ស ពាក់ស្លាកលេខភ្នំពេញ2AE 3811 ធ្វេីដំណេីរតាមបណ្តោយផ្លូវម៉ៅសេទុង ក្នុងទិសដៅពីជេីងទៅត្បូងក្នុងល្បឿនលឿនក៏ជ្រុលបុកពីចំហៀងផ្នែងខាងស្តាំនៃរថយន្តហាយឡែនឌ័រពេញទំហឹងបណ្តាលឱ្យរងការខូចខាតយ៉ាងដំណំទាំងសងខាង។ ប្រភពដដែលបានបន្តថា ភ្លាមនោះរថយន្តហាយឡែនឌ័រក៏ជ្រុលចង្កូតទៅបុកនិងស្លាកយីហោតំលៃសាំងរបស់ស្ថានីយ៍ប្រេងសូគីមិចបណ្តាលឱ្យរងការខូចខាតថែមទៀតតែសំណាងមិនមានមនុស្សរងរបួស។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងទាក់ទងជំនាញចុះធ្វេីការវាស់វែងយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញរងចាំដោះស្រាយតាមច្បាប់៕