ប្រធានក្រុមចម្រៀងក៉ូរេ Exo លោក Suho ត្រៀមចូលធ្វើជាទាហានឆាប់ៗនេះហើយ

យោងតាមសារព័ត៌មានកូរ៉េ Allkpop បានឲ្យដឹងថាប្រធានក្រុមចម្រៀងល្បី EXO នឹងចូលបម្រើការងារយោធា  នៅថ្ងៃទី ១៤ ខែឧសភា ខាងមុខនេះហើយ។ លោក Suho ដែលជាប្រធានក្រុមចម្រៀងនេះ បានបញ្ជាក់ប្រាប់អ្នកគាំទ្រ នៅក្នុងក្រុម EXO ថាលោកមានដំណឹងត្រូវប្រាប់អ្នករាល់គ្នា នៅថ្ងៃនេះ។ មិនយូរប៉ុន្មានទៀតនោះទេ នៅថ្ងៃទី ១៤ ខែឧសភា លោកនឹងចាប់ផ្តើមបំពេញកាតព្វកិច្ចយោធាហើយ ដែលនោះគឺជាអ្វី ដែលលោក Suho ត្រូវតែធ្វើ។ ក្នុងអំឡុងពេលនោះ លោកប្រាកដជានឹកអ្នករាល់គ្នា ដែលជាសមាជិក Exo-Love ជាមិនខាន។

លោកសង្ឃឹមថា អ្នកគាំទ្ររបស់ពួកយើងទាំងអស់គ្នា ដែលតែងតែគិតនិង ផ្ញើសារមកផ្តល់ក្តីស្រលាញ់ដល់លោក ពួកគេនឹងមានសុខភាពល្អជានិច្ច។ លោកពិតជាអរគុណ ចំពោះក្ដីស្រលាញ់ របស់អ្នកទាំងអស់គ្នា។ នេះជាអារម្មណ៍ពិតរបស់សាមីខ្លួនលោក ដែលខ្លាចកើតមានសេចក្តីនឹករលឹកដល់អ្នកគាំទ្ររបស់ខ្លួន ក្នុងការបែកគ្នាក្នុងវិស័យ K-Pop រយៈពេលវែងនេះ។ គួរបញ្ជាក់ផងដែរថា Suho គឺជាសមាជិកទី៣ ហើយនៅក្នុងក្រុមចម្រៀងល្បី EXO ដែលបានចុះឈ្មោះ ចូលបម្រើកងទ័ព បន្ទាប់ពីលោក Xiumin និងលោក D.O។

ប្រភពពីៈ Allkpop