សមត្ថកិច្ចប៉ុស្តិ៍នគបាលអន្លង់ជ្រៃបានអោយដឹងថាជនសង្ស័យដែលឃាត់ខ្លួនបានខាងលើមាន ឈ្មោះ រ៉ា រាត់ ភេទប្រុស អាយុ២៨ឆ្នាំ ជាកម្មកររបស់ម្ចាស់អាស្រមខាងលើផ្ទាល់។ លោកថាមូលហេតុដែលនាំអោយមានអគ្គីភ័យកើតឡើងនេះគឺមកពីកម្មករជាជនសង្ស័យនោះមានការខឹងសម្បារនឹងម្ចាស់អាស្រមខាងលើ ឈ្មោះចែម សង្វារ ដោយប្រើពាក្យសម្ដី បន្តិចបន្តួច មិនខុសអីពីឪពុកនឹងកូនជេស្តី ទើបឈានដល់ឲ្យជនសង្ស័យខាងលើ ខឹងក៍ទាញដែកកេះទៅដុតផ្ទះអាស្រមនោះតែម្តង។
សមត្ថកិច្ចបញ្ជាក់ថាអាស្រមតម្កល់ព្រះពុទ្ធរូបសម្រាប់គោរពបូជានោះ គឺជាលោករបស់លោកចែម សង្វារ មានមុខរបរជាឧត្តមសេនីយ៍យោធាជាន់ខ្ពស់ម្នាក់។ អាស្រមនោះ មានទំហំទទឹង៥ម៉ែត្រ និងបណ្តាយ៧ម៉ែត្រ សាងសង់អំពីឈើប្រក់ស័ង្កសី បាំងក្តា និងក្រាលក្តា ត្រូវបានភ្លើងឆេះហ្មត់ខ្ទេចគ្មានសល់។ ក្រោយការឃាត់ខ្លួនកម្លាំងសមត្ថកិច្ចជំនាញបានធ្វើកំណត់ហេតុនិងក្រងសំណុំរឿងបញ្ជូនទៅតុលាការចាត់ការបន្តតាមនិតិវិធីច្បាប់។
