តាមប្រភពនៅកន្លែងបានឲ្យដឹងថា មុនកើតហេតុ រថយន្តកូរ៉េ ម៉ាកហុីយ៉ាន់ដាយ ពណ៌ខៀវ ពាក់ស្លាកលេខ ញ 3519 ភព២ ដឹកសម្រាម បើកបរដោយបុរសម្នាក់ រួមដំណើរជាមួយកូនប្រុសតូចម្នាក់ ដឹកសម្រាម កាកសំណល់ ច្រើនសុទ្ធតែទឹកថ្នាំពណ៌ ធ្វើដំណើរតាមផ្លូវបេតុង ពីត្បូងទៅជើង លុះដល់ចំណុចខាងលើ រថយន្តចាស់ ខ្វះ គ្មានបច្ចេកទេសត្រឹមត្រូវ បានដាច់កាឡេ ធ្លាក់ជង់នឹងផ្លូវ រេ វិលកាត់ទទឹងផ្លូវ ទៅបុកជាមួយរថយន្តស្តារិច H1 ពណ៌ស្ករ ពាក់ស្លាកលេខ កំពង់ស្ពឺ 2B-8766 រថយន្តក្រុមហ៊ុនចិន ជិះគ្នា២នាក់ បើកបរដោយជនជាតិខ្មែរ រួមដំណើរដោយជនជាតិចិន ដែលបើកពីជើងទៅត្បូង បណ្តាលឲ្យរថយន្តខ្ទេចរួញកៀបជាប់គ្នា ភាគីខាងរថយន្តដឹកសម្រាម កៀបជាប់២នាក់ឪពុកកូន រងរបួសធ្ងន់ឪពុក កូនរបួសស្រាល ។
