សមាគមអតីតយុទ្ធជនកម្ពុជាខេត្តថវិកាបេឡាមរណសង្គ្រោះចំនួន ១២លានរៀលបានប្រគល់ជូនគ្រួសារអតីតយុទ្ធជនកម្ពុជាខេត្ត ចំនួន៣គ្រួសារ

ពិធីនេះធ្វើឡើងនៅថ្ងៃទី០៣ ខែឧសភា ឆ្នាំ២០២០  លោក ចក់ កែវចំរើន ប្រធានការិយាល័យបេឡាជាតិខេត្ត  តំណាង ឧត្តមសេនីយ៍ទោ ធន ធឿន ប្រធានសមាគមអតីតយុទ្ធជនកម្ពុជាខេត្តកំពង់ឆ្នាំង  រួមជាមួយ លោក ឃូ សុផាន មេបញ្ជាការរងសឹករងខេត្ត  និងក្រុមការងារ សអក ថ្នាក់ ក្រុង បានចូលរួមគោរពវិញ្ញាណក្ខ័ន្ធ និងនាំយកនូវថវិកាបេឡាមរណសង្គ្រោះ ចំនួន ១២,០០០,០០០ រៀល រួមជាមួយសាររំលែកទុក្ខ ជូន ៖
១. លោកស្រី មឿង មិត្ត ត្រូវជាប្រពន្ធរបស់សព សមាជិកសមាគមអតីតយុទ្ធជនកម្ពុជាឈ្មោះ ជា ជើប ប្រភេទជនពិការ ID( HA92000609 ) ទទួលមរណ ភាព នៅភូមិស្វាយកាំបិត ឃុំពាម ស្រុកសាមគ្គីមានជ័យ ។
២. លោក អ៊ុ ចាន់សិរី ត្រូវជាកូនរបស់សព សមាជិក សមាគមអតីតយុទ្ធជនកម្ពុជាឈ្មោះ ម៉ៅ សុខខុន ប្រភេទគ្រួសារពលី ID (SA91001142) ទទួលមរណភាពនៅភូមិព្រៃខ្មែរ ឃុំរលាប្អៀរ ស្រុករលាប្អៀរ ។
៣. លោកស្រី និល វណ្ណា ត្រូវជាកូនរបស់សព សមាជិកសមាគមអតីតយុទ្ធកម្ពុជា ឈ្មោះ ឯក នួន ប្រភេទគ្រួសារពលី ID (SA90001453 ) ទទួលមរណភាពនៅភូមិឧទុម្ពរ ឃុំស្វាយជ្រុំ ស្រុករលាប្អៀរ ។

នៅបញ្ចប់ពិធី ក្រុមគ្រួសាររបស់សព បានថ្លែងនូវអំណរអរគុណយ៉ាងជ្រាលជ្រៅបំផុតចំពោះ សម្តេច តេជោ ហ៊ុន សែន នាយយករដ្ឋមន្ត្រីនៃប្រទេសកម្ពុជា ជាប្រធានសមាគមអតីតយុទ្ធជនកម្ពុជា ដែលតែងតែយកចិត្តទុកដាក់ដល់បងប្អូនអតីតយុទ្ធជនកម្ពុជាទូទាំងប្រទេស សូមអោយសម្តេច មានសុខភាពល្អបន្តដឹកនាំប្រទេសកម្ពុជា ជារៀងរហូត និងសូមអរគុណដល់ ឯកឧត្តម គន់ គីម ទេសរដ្ឋមន្ត្រី , ឯកឧត្តមអភិបាលខេត្ត, ធន ធឿន ប្រធានសមាគមអតីត យុទ្ធជនកម្ពុជាខេត្ត រួមជាមួយក្រុមការងារ សូមជួបប្រទះពុទ្ធពរ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀតឃ្លាតឡើយ ។