វីដេអូគូសគំនូរបស់អ្នកគាំទ្រម្នាក់ ដែលបានបង្ហោះចេញនៅក្នុងបណ្តាញសង្គមយូធូប បានធ្វើឱ្យមហាជនកើតមានសេចក្តីនឹករលឹកយ៉ាងសោកសៅ ចំពោះអ្នកដឹកនាំភាពយន្តគំនូរជីវចលរឿង Tom & Jerry ដែលលោកបានទទួលមរណភាពហើយ ក្នុងវ័យ ៩៥ ឆ្នាំ។ លោក Gene Deitch ម្ចាស់ពានរង្វាន់អូស្ការម្នាក់ ដែលធ្លាប់មានប្រវត្តិស្នាដៃដែលជាជាការចងចាំរបស់មហាជនគ្រប់រូប គឺការផលិតនូវភាពយន្តគំនូវជីវចលរឿង Tom & Jerry សំដៅលើតួអង្គនៃសត្វឆ្មា និងកណ្តុរ។ យោងតាមសារព័ត៌មាន CTK របស់សាធារណរដ្ឋឆែក ដែលបានចុះនៅថ្ងៃទី ១៩ ខែមេសា ឆ្នាំ២០២០ នេះ បានបញ្ជាក់ប្រាប់ថា អ្នកដឹកនាំរឿង និងអ្នកផលិតខ្សែភាពយន្តជីវចល លោក Gene Deitch បានស្លាប់នៅក្នុងអគារស្នាក់នៅរបស់លោក ក្នុងទីក្រុង Prague នៃសាធារណរដ្ឋឆែក កន្លងទៅនៅយប់ថ្ងៃព្រហស្បត្តិ៍ ទី១៦ ខែមេសា ឆ្នាំ២០២០។
![](https://blogger.googleusercontent.com/img/b/R29vZ2xl/AVvXsEiwmOiD9nzu083G9_Au7oTehPJVQms60zcCvsIx5dNl2HOsJ9eN-OY8yz45urwjtoPIzXF2ZLGbHvwfDBdIor3V9db9fQM8nsjhneTjC9xoi7ld3cpAlSa0JJ1ALmY9a75clcAxXLfUQpE/s640/1.JPG)
![](https://blogger.googleusercontent.com/img/b/R29vZ2xl/AVvXsEgqLEIYASiWb4AYDp99YXjfPz0ASwqtlGzwVi7U71yFCwL8nmq0Ko42kMMLtuSg8HwoLDB7FImeZhuUQVbbuQmP-XgAtAJUPoMQaq-cyvWvwWWmWkpKaXp6LisqPwf0obNrFnC-0D2uw2A/s640/2.JPG)
![](https://blogger.googleusercontent.com/img/b/R29vZ2xl/AVvXsEioEsxdDsVCG63gEGjGVvfWt9BwuIkI7xv6C2H5O18kO2IgLUg0M7tZTIhtDnbJDvifOadp0vMBicuC7qB15LdC5Z_8C_V4kEF45HrekKWHHoD2UcjkdKhJjFtztAkDp3g-psIUOUTDBQs/s640/3.JPG)
![](https://blogger.googleusercontent.com/img/b/R29vZ2xl/AVvXsEjvW8yMRucdxTqlRpBv0DBdk5oxVE_jM4jNwsseTb9X-iIwNQ0udyyQ1QhZY7r-RI71-Y2K4TLRhbKYEs72H1Vlzq_tAO3aNFp7fPryemDPdkxb-mCcbP35HhNY1PdU4hlk2NxFpg3zjmE/s640/4.JPG)
ករណីស្លាប់របស់អតីតកំពូលវិចិត្រករគំនូរជីវចលរូបនេះ មិនត្រូវបានបង្ហើបឲ្យដឹងច្បាស់នោះឡើយ។ មហាជនទូទាំងពិភពលោកពិតមានសេចក្តីក្រៀមក្រំយ៉ាងខ្លាំង ចំពោះដំណឹងមរណភាពនេះ។ គួររម្លឹកថាស្នាដៃផលិតភាពជាច្រើនរបស់លោក សុទ្ធសឹងតែមានភាពល្បីល្បាញ ក្នុងនោះមានដូចជាគំនូរជីវចលរឿង Tom & Jerry, រឿង Popeyes , Munro, Tom Terrific ជាដើម។ វិចិត្រករដែលជាម្ចាស់គំនូរនេះ បានលើកឡើងថាភាពយន្តរឿង Tom & Jerry បានរម្លឹកឱ្យគ្រប់គ្នានឹកឃើញនូវអនុស្សាវរីយ៍កាលនៅក្មេងៗពីមុនឡើងវិញ។
វីដេអូពីឆាណែលយូធូបៈ Hashtage Arts