សមត្ថកិច្ចបានឲ្យដឹងថាជនរងគ្រោះខាងលើឈ្មោះ ម៉ាន ប៊ុនធឿន ភេទប្រុស អាយុ២៤ឆ្នាំ មុខរបរបេីកបររថយន្ត មានទីលំនៅភូមិសាមគ្គី ឃុំអង្គរបូរី ស្រុកអង្គរបូរី ខេត្តតាកែវ។នៅមុនពេលកើតហេតុជនរងគ្រោះរូបនេះបានជិះម៉ូតូ១គ្រឿងម៉ាក HONDA WAVE ពណ៌ខ្មៅ គ្មានពាក់ផ្លាកលេខធ្វើដំណើរក្នុងទិសដីពីកេីតទៅលិច។លុះពេលទៅដល់ត្រង់ចំណុចកើតហេតុបានជ្រុលចូលទៅចំណែកផ្លូវម្ខាងទៀតហើយក៏បានជ្រុលទៅបុកពេញទំហឹងជាមួយរថយន្តបើកកូរ៉េ ដឹកទឹកកកម៉ាកKIA ពណ៌ស ពាក់ស្លាកលេខ ភ្នំពេញ 2T-0890 បេីកបរដោយឈ្មោះ សៅ ប្រុស ភេទប្រុស អាយុ២២ឆ្នាំ មានទីលំនៅភូមិរលួស សង្កាត់ជេីងឯក ខណ្ឌដង្កោ ។
តាមប្រភពដដែលបានបន្តឲ្យដឹងទៀតថា ខណៈនោះបណ្ដាលឲ្យបុរសអ្នកបើកបរម៉ូតូដួលបែកក្បាលហូរឈាមស្លាប់ភ្លាមៗនៅនឹងកន្លែង ក្រោយពេលកើតហេតុអ្នកបើកបររថយន្តត្រូវបានឃាត់ខ្លួន ។បន្ទាប់មកនគរបាលការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានប្រគល់សាកសពទៅឲក្រុមគ្រួសារយកទៅធ្វេីបុណ្យតាមប្រពៃណី ព្រមទាំងធ្វើការវាស់វែងនិងនាំយករថយន្តនិងម៉ូតូទៅរក្សាទុករង់ចាំការដោះស្រាយតាមច្បាប់៕
