ជនសង្ស័យដែលសមត្ថកិច្ចឃាត់ខ្លួនបានឈ្មោះជិន អេលីយ៉ាភេទប្រុសអាយុ២៨ស្នាក់នៅសង្កាត់ផ្សារដេប៉ូទី១ខណ្ឌទួលគោករាជធានីភ្នំពេញ។ ជនរងគ្រោះលៀន វ៉ាន់រ៉ាភេទស្រីអាយុ៣២ស្នាក់នៅភូមិសន្សំកុសល៦សង្កាត់បឹងទំពុនទី១ខណ្ឌមានជ័យ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគឺនៅវេលាម៉ោង១១យប់ថ្ងៃទី៥ខែមេសាឆ្នាំ២០២០ស្ត្រីរងគ្រោះបានជិះម៉ូតូម៉ាកស្កុបពីពណ៌សពាក់ស្លាកលេខភ្នំពេញ1HV 9157និងមានភ្ជាប់ប្រព័ន្ធGPSចេញពីផ្ទះបំណងទៅឌុបប្តីរបស់ខ្លួននៅឯផ្ទះម្តាយមីងដែលនៅមិនឆ្ងាយប៉ុន្មានពីផ្ទះខ្លួននោះទេលុះទៅដល់ពាក់កណ្តាលផ្លូវស្រាប់តែមានជនសង្ស័យពីរនាក់ជិះម៉ូូតូមួយគ្រឿងមិនចាំម៉ាកកាក់ពីមុខម៉ូតូគាត់ហេីយនិយាយគំរៀមឲ្យចុះពីម៉ូតូពេលនោះគាត់មិនព្រមចុះឡេីយភ្លាមៗម្នាក់ក្នុងចំណោមគ្នាវាបានវាយគាត់មួយដៃចំគល់ដោះខាងស្តាំដោយភ័យខ្លាំងពេកខ្លាចវាវាយចំពោះព្រោះមានផ្ទះពោះពីរខែផងក៏ចុះពីម៉ូតូគ្រគល់ឲ្យពួកវាតាមសម្រួលសុំតែរួចខ្លួន។
រហូតដល់ម៉ោង៩ព្រឹកថ្ងៃទី៦ខែឆ្នាំដដែលនេះដោយពួកវាមិនទាន់បានផ្តាច់GPSជនរងគ្រោះក៏ប្តឹងសមត្ថកិច្ចចុះព័ទ្ធចាប់ជនសង្ស័យបានម្នាក់និងម៉ូតូជនរងគ្រោះឯម្នាក់ទៀតគេចខ្លួនបាត់ស្រមោល។ ក្រោយឃាត់ខ្លួនជនសង្ស័យត្រូវបានសមត្ថកិច្ចខណ្ឌមានជ័យនាំទៅសាកសួររកបក្ខពួកនិងចាក់ការតាមនីតិវិធី៕
