អ្វីដែលគួរឱ្យចាប់អារម្មណ៍ទៀតនោះ ប្រិយមិត្តក៏បានឃើញពីទេសភាពដ៏ស្រស់ស្អាតលើទឹកដីនៃខេត្តមណ្ឌលគិរី ដែលត្រូវបានផ្តិតយកស្ទើរពេញមួយរឿងតែម្តង។ ជាមួយគ្នានេះ តួឯកប្រុសស្រី លោក ចន សក្តិ និងកញ្ញា ខ្លឹម ស្រីគា ក៏បានបង្ហើបពីចំនុចពិសេសនៅក្នុងខ្សែភាពយន្តនេះ ដែលចង់ឱ្យបងប្អូនទស្សនិកជនជួយគាំទ្រដល់ទស្សនាការសម្តែងរបស់ខ្លួនផងដែរ។
កុំឱ្យខកខាននូវចំណីអារម្មណ៍បែបស្នេហាប្រឈមនឹងការបាញ់ប្រហារ ជាមួយនឹងខ្សែភាពយន្តភាគខ្មែររឿង ចំណាប់ខ្មាំងរបាំងស្នេហ៍ នៅលើកញ្ចក់ទូរទស្សន៍កងយោធពលខេមរភូមិន្ទប៉ុស្តិ៍លេខ៥ ដែលមានចាក់ផ្សាយជូនទស្សនារៀងរាល់ថ្ងៃព្រហ-សុក្រ ចាប់ពីវេលាម៉ោង ៧ យប់ ដល់ម៉ោង ៨ និង ១៥ យប់។
