បន្ទាប់ពីទន្ទឹងរង់ចាំមើលមុខកូនប្រុសដំបូងរបស់ខ្លួនយ៉ាងអន្ទះសារ ខណៈនេះ ភរិយារូបស្រស់របស់តារាសម្តែង លោក ញ៉ែម សុគន្ធ បានសម្រាលហើយកាលពីព្រឹកថ្ងៃទី ១០ ខែមេសា ឆ្នាំ២០២០។ កូនប្រុសដែលមានមុខមាត់គួរឱ្យស្រលាញ់ម្នាក់នេះ មានឈ្មោះថា សុគន្ធ ខេមីន។ ផ្តល់បទសម្ពាសន៍តាមរយៈទូរស័ព្ទដៃជាមួយក្រុមការងារព័ត៌មានសិល្បៈកំសាន្ត លោកបានពោលទាំងរីករាយក្នុងចិត្តថា ឈ្មោះរបស់កូនប្រុសដំបូងនេះ គឺភរិយារបស់លោកស្រលាញ់ និងចង់ដាក់នាមត្រកូលដល់រូបគេ។ ចំណែករូបលោកវិញ ពិតជាអរគុណដល់ភរិយាជាទីស្រលាញ់របស់លោក ដែលក្លាយជាអ្នកម្តាយដ៏រឹងមាំ និងបង្កើតនូវពិភពលោកយ៉ាងស្រស់បំព្រងសម្រាប់កូនតូច សុគន្ធ ខេមីន។
![](https://blogger.googleusercontent.com/img/b/R29vZ2xl/AVvXsEhu6JWlz6njFYas36IEHsuQmlxW-CD8FZ1qo5eoCLpSXQI4J7rIQyUqEQkOogikyMiMXIHEcpVHksj-9UpQ4EERVEbyyu-2Av2LV4RePNIw4lDKkMj1CydV3BLlC0nHac9jZK58iTu3oFA/s640/92705271_1444568445722330_224510288592896000_o.jpg)
![](https://blogger.googleusercontent.com/img/b/R29vZ2xl/AVvXsEhKpb9kAypbhnsQI_2Q-qeY6yblvqALy_ySrSz0BuOelzcCSF46XkksZUlqHpJ1_LoXyr0Mu9bk0G9mH_ksdygnQC6nuAmQk-EPIL2p_Tvb-N_GqzXeTUQgsWU-sBHyHd6ptbst5a7JyqY/s640/92537525_3465562946791615_116430911217598464_o.jpg)
![](https://blogger.googleusercontent.com/img/b/R29vZ2xl/AVvXsEj377WfwUBk0bql3g1Bh4dxggEHgSWflqrSqe_QnYulCVmioQecqlbjiNYBqcmXJi-OhaHj_75La-WBttZeJdRDBxJ73ENAO0K9jhyz0UF7MRcRQRh5nv4aFCSgJCxCrtrRc2E0K7MBpxg/s640/92844901_3287295337976807_8810561903739797504_o.jpg)
![](https://blogger.googleusercontent.com/img/b/R29vZ2xl/AVvXsEjPmgcDEfuztqRh1SLuVQXawaHwodtYhQo5-8VohOv4dE2Az4hBrffS1oEseqRtOQ8cTebE6mmFeankJxuCBuF4OyrXqaXqK88DdqYGzwz0oLMRjq7Ly2KndYYjTHiHaMKv5_XnPtPxGTE/s640/93141336_1444536832392158_2357444103517503488_o.jpg)
លោកបន្តបញ្ជាក់ជាមួយនឹងក្តីអធ្យាស្រ័យដល់មិត្តភក្តិសិល្បៈទាំងអស់ ដែលពុំទាន់អនុញ្ញាតសំរាប់ការទទួលសួរសុខទុក្ខ ដើម្បីចូលរួមអនុវត្តន៍ និងចូលរួមទប់ស្កាត់ទាំងអស់គ្នាក្នុងការបង្ការការចម្លងជំងឺកូវីដ១៩ តាមសេចក្តីប្រកាសណែនាំរបស់ក្រសួងសុខាភិបាល។ គួរបញ្ជាក់ថា តារាសម្តែងលោក ញ៉ែម សុគន្ធ បានជ្រើសរើសអ្នកជំនួញស្រីរូបស្រស់ ងួន កែវមល្លិកា ធ្វើជាភរិយាដោយបានរៀបមង្គលការនៅថ្ងៃទី ១ ខែធ្នូ ឆ្នាំ២០១៨។ ក្រោយរៀបការបាន ១ ឆ្នាំ ជាង លោកក៏ទទួលបានចំណងដៃកូនប្រុសតូចម្នាក់ តាមបំណងប្រាថ្នារបស់លោក។