គណកម្មកាប្រយុទ្ធប្រឆាំងផលិតផលក្លែងក្លាយ ចុះត្រួតពិនិត្យទំនិញក្នុងផ្សារទំនើបចិន វ័ងជែរហ្វូ សង្កាត់ចោមចៅ៣

 ភ្នំពេញ ៖ នៅព្រឹកថ្ងៃទី០១ ខែមេសា ឆ្នាំ២០២០នេះ កម្លាំងគណកម្មការបរយុទ្ធប្រឆាំងផលិតផលក្លែងក្លាយ សហការជាមួយកម្លាំងសមត្ថកិច្ចមូលដ្ឋាន កម្លាំងអាជ្ញាធរ ចុះធ្វើការត្រួតពិនិត្យ រាល់ទំនិញ ដែលនាំចូលដាក់តាំងលក់ ក្នុងផ្សារទំនើបចិន វ័ងជែរហ្វូ ស្ថិតនៅតាមផ្លូវសហព័ន្ធរុស្សី ផ្ទះលេខ៤៥អា ភូមិព្រៃទា២ សង្កាត់ចោមចៅទី៣ ខណ្ឌពោធិសែនជ័យ រកឃើញទំនិញចំនួន៨១មុខ សង្ស័យញមានគុណភាព និងគ្មានច្បាប់នាំចូល ឈានដល់បិទទ្វារផ្សារ ផ្អាកអាជីវកម្មជាបណ្តោះអាសន្ន ។ 

តាមសមត្ថកិច្ច បានឲ្យដឹងថា កម្លាំងជំនាញ កម្លាំងមូលដ្ឋាន ចូលរួមពី ក្រឡាបញ្ជី តំណាងឲ្យព្រះរាជអាជ្ញារង ចុះពិនិត្យ ទំនិញ ក្នុងផ្សារទំនើប របស់អាជីវករចិនខាងលើ ស្វែងរកផលិតផល ដែលគ្មានគុណភាព ផុតសុពលភាព ផលិតផលនាំចូលគ្មានច្បាប់អនុញ្ញាត ។ សមត្ថកិច្ចបន្តទៀតថា ក្នុងប្រតិបត្តការខាងលើ ឃើញថា មានទំនិញចំនួន៨១មុខ សង្ស័យគ្មានគុណភាព គ្មានច្បាប់នាំចូល ដែលខាងផ្សារដាក់តាំងលក់ មិនទាន់មានច្បាប់អនុញ្ញាតនៅឡើយ ជាវិធានការរបស់សមត្ថកិច្ច ត្រូវដកហូតយកមួយមុខបន្តិច ទៅរក្សាធ្វើការពិនិត្យ ពិសោធន៍ តេស្ត ។ 

ក្រោយពីពិនិត្យ រកឃើញទំនិញ៨១មុខ មានភាពមិនប្រក្រតី ម្ចាស់ទីតាំង ស្ត្រីជនចាតិចិនម្នាក់ ត្រូវបានសមត្ថកិច្ចហៅនាំទៅសាកសួរ ហើយសម្រេចបិទផ្សារទំនើបខាងលើជាបណ្តោះអាសន្ន រងចាំសម្រេចជាក្រោយ ៕