យោងតាមប្រភពព័ត៌មាន ពីសមត្ថកិច្ចមូលដ្ឋានបានប្រាប់អោយដឹង មុនកេីតហេតុ គឺរថយន្តបែនដឹកដីរបស់ក្រុមហ៊ុន PNT ពណ៌ទឹកប្រាក់ អត់មានស្លាកលេខ ដោយ បានបេីកទៅកៀរនឹងរថយន្តlexusRX300មួយគ្រឿង មិនចាំស្លាកលេខ បណ្តាលអោយដាច់កញ្ចក់ឆ្លុះមេីលក្រោយខាងស្តាំមួយចំហៀង នៅផ្លូវទួលពង្រ ជិតនឹងវត្តអង្គតាមិញ ហេីយរថយន្ដបង្កនោះមិនព្រមឈប់ដោះស្រាយទេ បែរជាបន្ថែមល្បឿនរថយន្ដបេីករត់គេចខ្លួន ក៏ត្រូវបានរថយន្តរងគ្រោះប្រដេញតាមឃាត់ពីក្រោយ នឹង បានស្រែកអោយកម្លាំងល្បាតខណ្ឌពោធិ៍សែនជ័យជួយឃាត់រថយន្ដបង្កនោះ តែរថយន្តបង្កនោះនៅតែមិនព្រមឈប់ ថែមទាំងកៀរម៉ូតូសមត្ថកិច្ចអោយដួលរបួសថែមទៀត ក៏ព្យាយាមបេីករត់គេចបន្តឆ្លងចូល ទឹកដី ខណ្ឌសែនសុខ ក៏ត្រូវបានកម្លាំងសមត្ថកិច្ចស្រែកតាមវិទ្យុទាក់ទង អោយជួយឃាត់ ផ្អើលសមត្ថកិច្ចខណ្ឌសែនសុខចេញម៉ូតូប្រដេញតាមជួយឃាត់នៅតែមិនព្រមឈប់ ក៏បេីករត់បន្តឆ្លងចូលខណ្ឌមានជ័យ ផ្អើលសមត្ថកិច្ចខណ្ឌមានជ័យ ប្រដេញជួយឃាត់ទៀត រថយន្តបង្កដដែលនៅតែមិនព្រមឈប់ ថែមទាំងបន្ថែមល្បឿនរថយន្តកាន់តែលឿន បេីកទៅវិញទៅមករហូតឆ្លងចូលខណ្ឌដង្កោ ផ្អើលសមត្ថកិច្ចខណ្ឌដង្កោជួយប្រដេញតាមឃាត់ទៀត រហូតដល់ដល់វត្តឫស្សីសាញ់ ធ្លាយមកដល់ផ្លូវព្រៃស ក៏បត់ឡេីងទៅតាមផ្លូវ50ម៉ែត្រ ឡេីងទៅស្តុបការ៉េបី ក៏បត់ចូលផ្លូវ217 សំដៅមកខាងស្ពានដែកចំការដូងវិញ ហើយសមត្ថកិច្ចដែលជិះម៉ូតូប្រដេញ ក៏បានព្យាយាមឡេីងអែបនឹងស្រែកអោយរថយន្តបង្កឈប់ បែរជារថយន្តបង្កកៀរទាំងម៉ូតូសមត្ថកិច្ចទៀតបណ្តាលអោយដួល និងបណ្តាលអោយមានអ្នករងរបួសស្រាល នឹងខូចខាតសម្ភារៈ ហើយរថយន្តបង្កបេីកមកដល់មុខវត្ត សំបួរមាស ភូមិម័ល សង្កាត់ដង្កោ ខណ្ឌដង្កោ ក៏ត្រូវបានកម្លាំងសមត្ថកិច្ច បង្កក នឹងឃាត់រថយន្ដធន់ធំដែលធ្វើដំណើរស្របទិសគ្នាអោយឈប់ ស្ទះផ្លូវធ្វើឲ្យរថយន្តបង្កអស់ផ្លូវទៅ ក៏ឈប់រថយន្ដ បេីកទ្វាររថយន្តចុះរត់គេចខ្លួន ក៏ត្រូវកម្លាំងសមត្ថកិច្ចទាំងបួនខណ្ឌ។
តាមឃាត់បានទាំងអ្នកបេីកបរ នឹង អ្នករួមដំណើរ ភ្លាមៗ នាំទៅកាន់អធិកាដ្ធានខណ្ឌពោធិសែនជ័យសាកសួរនាំបន្ត។ ហើយក្នុងប្រតិបត្តិការអន្តរាគមន៍ដេញឃាត់រថយន្ដបង្ក សមត្ថកិច្ចប្រេីរយៈពេលអស់ជាងកន្លះម៉ោងទេីបឃាត់រថយន្ដបង្កជាប់ នឹង បណ្តាលអោយសមត្ថកិច្ចដែលប្រដេញ របួសសស្រាលម្នាក់ នឹងខូចខាតសម្ភារៈ ផងដែរ។
ក្រោយកេីតហេតុ បន្ទាប់ពីឃាត់រថយន្ដបង្កជាប់ ទាំងរថយន្តបង្ក រួមទាំងនាក់បេីកបរត្រូវបានកម្លាំងសមត្ថកិច្ចនាំទៅកាន់អធិកាដ្ធានខណ្ឌពោធិសែនជ័យ ដេីម្បីសាកសួរនាំ និងចាត់ការតាមនិតិវិធីច្បាប់ ៕
.jpg)
