កម្មវិធីប្រកួត Miss Charm International ត្រៀមនឹងមកដល់នៅក្នុងពេលឆាប់ៗខាងមុខនេះហើយ គឺនៅដើមខែមីនា ឆ្នាំ២០២០ លើទឹកដីនៃទីក្រុងហូជីមិញ ប្រទេសវៀតណាម។ កម្មវិធីនេះ បានជ្រើសរើសយកបេក្ខនារីដើម្បីធ្វើការប្រកួតមកពីជុំវិញពិភពលោក ប្រមាណជាង ៥០ ប្រទេស ក្នុងនោះស្រីស្អាតម្នាក់តំណាងប្រទេសកម្ពុជា គឺកញ្ញា ប៊ី សុធារី ក៏ត្រូវបានចូលរួមប្រកូតផងដែរ ដែលកញ្ញាក៏ធ្លាប់ជាអតីតបវរកញ្ញាចក្រវាលកម្ពុជាឆ្នាំ២០១៧ និងមានប្រវត្តិជាបេក្ខនារីប្រកួតក្នុងកម្មវិធីប្រកួតប្រជែងសម្រស់នានាជាច្រើនដងរួចមកហើយ។ កញ្ញា ប៊ី សុធារី បានបង្ហោះរូបភាព និងវីដេអូដល់អ្នកគាំទ្រកម្ពុជា បានជ្រាបជាដំណឹងពីការត្រៀមខ្លួនរួចជាស្រេច និងចង់បានកម្លាំងចិត្តដ៏សំខាន់បំផុតពីមហាជនកម្ពុជា និងអ្នកគាំទ្ររបស់នាង។ កម្មវិធីប្រកួត Miss Charm International ជាការប្រកួតប្រជែងទៅលើផ្នែក សម្រស់ រូបរាង និងចំណេះដឹងទូទៅ។ ជាពិសេសការបង្ហាញឱ្យឃើញពីវប្បធម៌ប្រពៃណីដ៏សម្បូរបែបរបស់ប្រទេសនីមួយៗដែលបានចូលរួម។ Miss Charm International នឹងប្រព្រឹត្តទៅរយៈពេល ២ សប្តាហ៍ ចាប់ពីថ្ងៃទី ៥ ខែមីនាឆ្នាំ២០២០ ដល់ថ្ងៃទី ១៧ ខែមីនា ឆ្នាំ២០២០ ដែលជាវគ្គផ្តាច់ព្រ័ត្រ។ ដូច្នេះកុំភ្លេចចូលរួមលើកទឹកចិត្តដល់ស្រីស្អាតតំណាងកម្ពុជា កញ្ញា ប៊ី សុធារី ទាំងអស់គ្នា!!
![](https://blogger.googleusercontent.com/img/b/R29vZ2xl/AVvXsEhXuZhkP_ZLI7fBG-TcetRGWI1RcUkVsGKvONL6JFFKi_aS4LDqStZlSFGjFqyrL4I2jNKP4ZHyfC8p4zS468nXt743abGrayaagiqm8DGQP50ElEE4agSKY1hJm7Rq6EDvpyV_K7yuJvI/s640/78820973_2734957229892502_1534727922374410240_n.jpg)
![](https://blogger.googleusercontent.com/img/b/R29vZ2xl/AVvXsEgGVTgjkFXUjrCE7nJPNeP0cK173bp7I9c7-9JA9gadOlCmxrLZsFdFMVM95pSx0kwRRWbxKBRJgsMNA-Ar7p9YYxdtpNVIEZ0Oau2F8Ub3XWLOOskRmN3NWGoJeDTuFlbyCd0ukG_DXW4/s640/84752235_2868601819861375_26202349932380160_o.jpg)
![](https://blogger.googleusercontent.com/img/b/R29vZ2xl/AVvXsEiFH4j7eaD1ChCNLbD_JsBeQrVgKrM3__jlFjWPCSuJSG5gJTlM_fX5fO9L8yRUfsAntlqzKjUd5cj4a3VT9hNZBtcRxZ1P_KuW2LwwC4G0Gb2-zA4DxT1SuNCr1Q8bgVP1KEvEQrSjsxg/s640/79383214_2213626385405446_3990854233866895360_n.jpg)
![](https://blogger.googleusercontent.com/img/b/R29vZ2xl/AVvXsEjlGdrT89c2rjEHPdcRF798wVSViZ_cG7b3VH4K6YIs2DvpVQjmcf1usHtlokNeb4Srfo93fJpgjSCvIPxlBclGeTlncBm90j_NoWUWucxBpHXUXpH57i1fdoaiZuXtztCzDrIcLGPPkzo/s640/83034681_2640959299563325_6935957516832473088_o.jpg)
![](https://blogger.googleusercontent.com/img/b/R29vZ2xl/AVvXsEgBKYEBMQ1eG-t54q8byAZCLBirvkq8VN3y8VeZ8h-NM_fhZauoM4KJHMREPMEJuOUv_QEU-YZZOEtLgImlu4p2HRg7f6Xoh9x3nSrfuSN7jX5j2T43cpaFXedsyYgYPu7mnK7Hrl_qV2c/s640/84889154_2862623990459158_8965734313320513536_o.jpg)
អត្ថបទដោយៈ សំណាង