តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុ គេឃេីញបុរសម្នាក់បេីកបរម៉ូតូមួយគ្រឿងម៉ាក ស៊ុយស៊ុយគីឡែតពណ៌សពាក់ស្លាកលេខ ភ្នំពេញ1GN-1384 ដែលបេីកតាមបណ្ដោយផ្លូវលេខ៦១ ក្នុងទិសដៅពីត្បូងទៅជេីងលុះមកដល់ចំណុចកេីតហេតុ ម៉ូតូខាងលេីក៏បានបេីកឆ្លងកាត់ផ្លូវលេខ១០៦ តែខណៈពេលដែលបេីកឆ្លងបានបន្តិចក៏ស្រាប់តែមានរថយន្តមួយគ្រឿងទៀតម៉ាកTOYOTAHARAIRពណ៌សពាក់ស្លាកលេខ ភ្នំពេញ2AW-1149ដែលបេីកបរដោយបុរសពីរនាក់តាមបណ្ដោយផ្លូវលេខ១០៦ ទិសដៅពីកេីតទៅលិច និងក្នុងល្បឿនយ៉ាងលឿនហេីយដោយខ្វះការប្រុងប្រយ័ត្ន ក៏ជ្រុលចង្កូតទៅបុកម៉ូតូពេញទំហឹងបណ្ដាលឲ្យបែកកាបាំងខាងមុខចំហៀងខាងស្តាំ រីឯអ្នកបេីកបរម៉ូតូបានរងរបួសបែកមុខបែកមាត់ ចំណែកឯរថយន្តបានរងការខូចខាតកំពិតនិងបែកកាងផ្នែកខាងចំហៀងខាងឆ្វេង បន្ទាប់មកក៏មានរថយន្តសង្គ្រោះបន្ទាន់របស់គ្លីនិកឯកជនសម្ភព ពន្លឺបានមកដឹកជនរងគ្រោះយកទៅសង្គ្រោះភ្លាមៗតែម្ដង មួយស្ទុះក្រោយមកអ្នកបេីកបររថយន្តក៏បាននាំគ្នាឡេីងលេីរថយន្តព្យាយាមបេីកគេចខ្លួនចេញពីពីកន្លែងកើតហេតុតែខណៈពេលនោះក៏មានប្រជាពលរដ្ឋដែលឃេីញហេតុការណ៍បានជួយរាយការណ៍ប្រាប់សមត្ថកិច្ចមូលដ្ឋាន និងជួយជិះម៉ូតូដេញតាមពីក្រោយរថយន្តខាងលើរហូតហេីយក៏ត្រូវបានសមត្ថកិច្ចមូលដ្ឋានធ្វើការស្ទាក់ចាប់បាននៅត្រង់ចំណុចស្តុបDNតាមបណ្ដោយផ្លូវកម្ពុជាក្រោមកែងនិងផ្លូវលេខ៦១ស្ថិតក្នុងសង្កាត់មិត្តភាព ខណ្ឌ៧មករា។
ក្រោយពេលកេីតហេតុសមត្ថកិច្ចមូលដ្ឋានក៏បានទាក់ទងហៅសមត្ថកិច្ចជំនាញឲ្យចុះមកធ្វើការវាស់វែងយកម៉ូតូនិងរថយន្តទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដេីម្បីរង់ចាំធ្វើការដោះស្រាយគ្នាទៅតាមផ្លូវច្បាប់ជាបន្តទៀតនៅពេលក្រោយ៕
.jpg)
