ហេតុការណ៍នេះបានកើតឡើងនៅវេលាម៉ោង៣និង៥០នាទី រំលងអាធ្រាត្រឈានចូល ថ្ងៃទី២២ ខែមករា ឆ្នាំ២០២០ ក្នុងការដ្ឋានសំណង់ មួយកន្លែង ក្នុងបរិវេណ មជ្ឈមណ្ឌលកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
បេីតាមសម្តី បុរសជាសន្តិសុខយាមកាម ក្នុងកោះពេជ្រ ម្នាក់ សុំមិនបញ្ចេញឈ្មោះ បានឲ្យដឹងថា មុនពេលកេីតហេតុ រូបគាត់កំពុងតែ អង្គុយយាមនៅទីតាំង ខាងលើ ក៍ស្រាប់តែមាន បុក៣នាក់ដែល ជាជនជាតិចិន មិនថាគោលបំណងទៅណានោះទេ គឺបានបេីករថយន្ត ស៊េរីទំនើប មួយគ្រឿង ពណ៌សំបកឪឡឹក ពាក់ស្លាកលេខ ភ្នំពេញ 2AB 6666 បានធ្វើដំណើរតាម ផ្លូវ សុភមង្គល ក្នុងទិសដៅ ពីត្បូងទៅជើងក្នុង ល្បឿនលឿន ដោយសង្ស័យថាអ្នកបេីកបរស្រវឹង ទើបបណ្ដាលឲ្យរថយន្ត រេចង្កូតបត់ឆ្វេងត្រលប់ក្រោយ ជ្រុលទៅបុក និងរបងការដ្ឋានសំណង់ បណ្ដាលឲ្យធ្លុះចូល ទៅក្នុង រងការខូចខាត សំភារៈមួយចំនួន ព្រមទាំងធ្វើឲ្យបុរសម្នាក់ដែរជាអ្នកបេីកបរ រងរបួសបាក់ជើងខាងស្តាំ ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ចំនែកអ្នករួមដំណើរ២នាក់ទៀតរងរបួសតិចតួច បានគេចចេញ ទាំង ប្រញាប់ប្រញាល់បាត់ ។
ក្រោយពេលកេីតហេតុ ឃើញមានកម្លាំងសមត្ថកិច្ចបានចុះទៅកន្លែងកើតហេតុ រួចហើយ ក៍បានអោយតំណាង ភាគីទាំងសង្ខាង សុទ្ធតែជាជនជាតិចិនដូចគ្នា ធ្វើការសម្របសម្រួលគ្នា ដោយខាងរថយន្តបង្ករសុខចិត្តសងថ្លៃការខូចខាត លេីសំភារៈដែលរងការខូចខាតទាំងអស់ដើម្បីបញ្ចប់រឿង៕
