ខេត្តប៉ៃលិន ៖ កាលពីវេលាម៉ោង៦ និង៤០នាទី ថ្ងៃអាទិត្យ ០២កើតខែ មាឃ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី២៦ ខែ មករា ឆ្នាំ២០២០ នៅចំណុចសាលារៀនអូររអិល ស្ថិតនៅក្នុងភូមិ អូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន មានករណីគ្រោះថ្នាក់ចរាចរណ៍មួយករណីកើតឡើងរវាងម៉ូតូ និងម៉ូតូ ដោយបើកបរបញ្ច្រាសទិសគ្នា ។
ប្រភពព័ត៍មានបានឱ្យដឹងថា ភាគីទីមួយឈ្មោះ យ៉ុង ភេទប្រុស អាយុ១៩ឆ្នាំ មានទីលំនៅនៅភូមិ អូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន បើកបរម៉ូតូម៉ាកហុងដាឌ្រីមឆ្នាំ២០១៩ ពណ៌ក្រហម ពាក់ស្លាកលេខ បាត់ដំបង ១AH- ៨៥១១ គ្មានមួកសុវត្ថិភាព (រងរបួសធ្ងន់) បើកបរក្នុងទិសដៅពីលិចទៅកើត ។
ចំណែកភាគីទីពីរឈ្មោះ ទេព គន្ធា ភេទស្រី អាយុ៥៨ឆ្នាំ មានទីលំនៅបច្ចុប្បន្ននៅភូមិ អូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន បើកបរម៉ូតូម៉ាកឌ្រីមពណ៌ខ្មៅ ពាក់ស្លាកលេខ ប៉ៃលិន១C -៤១១៧ (រងរបួសធ្ងន់បាក់ដៃធ្វេង) បើកបរពីកើតទៅលិច ។
មូលហេតុបុកគ្នាដោយសារបើកបរក្នុងល្បឿនលឿនខ្វះការប្រុងប្រយ័ត្ន ហើយបច្ចុប្បន្នវត្ថុតាងត្រូវបានយកមកទុកនៅអធិការដ្ឋាននគរបាលស្រុកសាលាក្រៅ រង់ចាំការដោះស្រាយ រីឯជនរងរបួសត្រូវបានបញ្ជូនទៅព្យាបាលនៅមន្ទីរពេទ្យបង្អែកខេត្ត ៕