ភ្នំពេញៈ រថយន្តកាមរីបាឡែនមួយគ្រឿងម្ចាស់បេីកលឿនមិនប្រយ័ត្នជ្រុលបុកនិងក្បាលនាគពុះចែកផ្លូវ បណ្ដាលឲ្យដួលអស់មួយកង់ចំណែករថយន្តផ្ទុះពោងនិងដាច់កាឡេទៅមុខលែងរួច។ ហេតុការណ៍នេះបានកើតឡើងនៅវេលាម៉ោង ១០និង២៥នាទីយប់ ថ្ងៃទី០៨ ខែមករា ឆ្នាំ២០២០ ចំនុចផ្លូវម៉ៅសេទុង កែងនិងផ្លូវ១៩៣ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ ។ តាមប្រភពព័ត៌មាន ពីកន្លែងកើតហេតុបានឲ្យដឹងថា មុនពេលកេីតហេតុ គេបានឃើញបុរសម្នាក់បេីករថយន្តបង្កម៉ាក កាមរីបាឡែន ពណ៌ទឹកប្រាក់ពាក់ស្លាកលេខភ្នំពេញ 2A- 2281 ធ្វើដំណើរតាមផ្លូវ ម៉ៅសេទុង ក្នុងទិសដៅ ពីត្បូងទៅជេីង ក្នុងល្បឿនល្បឿន លុះមកដល់ចំណុចកេីតហេតុ ក៍ជ្រុលទៅបុកនិងក្បាលនាគពុះចែកផ្លូវពេញទំហឹង បណ្តាលឲ្យរថយន្តផ្ទុះពោងការពារសុវត្តិភាពនិងធ្វើឲ្យទ្រូងផ្លូវរងការខូចខាត ដួលរលំអស់មួយកង់។ ក្រោយពេលកេីតហេតុ ឃើញមានកម្លាំងសមត្ថកិច្ចមូលដ្ឋាន និងជំនាញចរាចរណ៍ខណ្ឌបានចុះទៅកន្លែងកើតហេតុ រួចហើយក៏ហៅរថយន្តមកស្ទូចយករថយន្តមកទៅ រក្សាទុកនៅការិយាល័យនគរបាលចរាចរណ៍ជើងគោករាជធានីភ្នំពេញដើម្បីរង់ចាំធ្វើការដោះស្រាយ៕
![](https://blogger.googleusercontent.com/img/b/R29vZ2xl/AVvXsEjvNVjDJmB-9FqCVI-jnm0LYcg3skMTOYbuJv-U-oNoMZj_-3tw7K_3vXY9QuaQEC4sDtMas2ILdVkoW4dHU11AjnHuwk4mYSZChRPf6s61BelbZigBHmHOpRzpLh01cnNXqFb2ScONiw4/s640/WhatsApp+Image+2019-12-24+at+06.31.45%25281%2529.jpeg)
![](https://blogger.googleusercontent.com/img/b/R29vZ2xl/AVvXsEhgRhpPRPlXe3oMbRIBWiJktWgy1xmzypCNcNRwo-fHDgEsTcGpYwl7PwwENvzbK_nPGb4tRWe68oWWIVu7cFmkzHup2yCbTLRWQ4un5c2Gyz1mFpav2GPAhEMQUK3rktu2vHTqHiWP4Ks/s640/WhatsApp+Image+2019-12-24+at+06.31.44%25281%2529.jpeg)
![](https://blogger.googleusercontent.com/img/b/R29vZ2xl/AVvXsEgtdakdVu4kq6ZBSq3-gajw68r9uAnKASSzU9kgrtMOH4aDOlK4dY1F-RzO3qCQIX5a_gRUHsI_yGlk_JtV6S1frk9n8hCo4JJaTbm0_EM_kUPLWxarEEejRMqkihz24XQxXUJYchZymHw/s640/WhatsApp+Image+2019-12-24+at+06.31.44%25282%2529.jpeg)
![](https://blogger.googleusercontent.com/img/b/R29vZ2xl/AVvXsEiUaU3amzFJ8AUjCaPTbI-t0a4RT0cyWjFT9htco-MglTLIjq3JX3FXRonMpDICcT6-NghbZK8FW48EHl0z0vWW8-Zm1Jl9cwauNCVDDWWBG-5FZ96bbQkKxWQ6jtPBtLmcCLKvPiROAyY/s640/WhatsApp+Image+2019-12-24+at+06.31.44.jpeg)