នៅព្រឹកថ្ងៃដដែលនោះដែរ នៅចម្ងាយជាង១គីឡូម៉ែត្រពីខាងត្បូងផ្ទះជនរងគ្រោះ គេឃើញម៉ូតូ ម៉ាកយ៉ាម៉ាហា ហ្វេ្រស ពណ៌ ស្លែ ក្រហម ១គ្រឿង ផ្តេកទុកចោលកណ្តាលវាលស្រែ ដែលសមត្ថកិច្ច សន្និដ្ឋានថាៈ ជាម៉ូតូរបស់ជនដៃដល់ ព្រោះតាមសេចក្តីរាយការពីប្រជាពលរដ្ឋ អ្នកឆ្លុះកង្កែបថា បានឃើញម៉ូតូនេះទុកចោលតាំងពីយប់មកម្លេះ ។ នៅក្រោមកែបម៉ូតូ ឃើញមានបាយ១កញ្ចប់នៅក្នុង ក្នុងធុងសាំង ម៉ូតូមានសាំងពេញប្រៀប និងនៅប្រមាណ១០ម៉ែត្រពីម៉ូតូ គេឃើញមានការ៉ុង ពណ៌ស ១ នៅក្នុងការ៉ុង មានគ្រាប់កាំភ្លើងអាកា៤៧មិនទាន់បាញ់ចំនួន៤គ្រាប់ទៀត ដែលតាមការសង្ស័យ ការ៉ុងស នោះជាការ៉ុងច្រកកាំភ្លើង មកធ្វើសកម្មភាព ។ ក្រោយការស្រាវជ្រាវយ៉ាងយកចិត្តទុកដាក់របស់សមត្ថកិច្ចនគរបាល ស្រុក និងខេត្ត បានសហការគ្នា បានសម្រេចឃាត់ខ្លួនមនុស្ស៣នាក់ ក្នុងនោះមានឈ្មោះ អោម ឆន ដែលជាម្ចាស់ម៉ូតូ ម៉ាកយ៉ាម៉ាហា ហ្វេ្រស ពណ៌ ស្លែ ចំណែក២នាក់ទៀតមិនពាក់ពន្ឋ័សមត្ថកិច្ចបានសម្រេចដោះលែងឱយត្រឡប់ទៅវិញ ។
ក្រោយពីបញ្ជូនសំណុំរឿង និងជនសង្ស័យទៅកាន់តុលាការ សមត្ថកិច្ចបានបន្តនិតិវិធីរបស់ខ្លួន ដោយបានស្រាវជ្រាវ រកផស្តុតាង និង សាក្សី បន្ថែម ជាបន្តបន្ទាប់ដាក់ជូនទៅតុលាការ ដើម្បីដាក់បន្ទូក ទើបឈានដល់ការបើកសវនាការកាត់ទោស ជនដៃដល ឈ្មោះ អោម ឆន ដោយសម្រេចទាក់ពន្ឋនាគារ អស់មួយជីវិត តាមមាត្រា ២០០ នៃក្រមព្រហ្មទណ្ឌ និងបង្គាប់ឲ្យសងសំណង ៣០លានរៀល ទៅដើមបណ្តឹងរដ្ឋប្បវេណី។ សមត្ថកិច្ចបានសន្និដ្ឋានថា៖ អំពើឃាតកម្មដោយគិតទុកជាមុន នេះគឺដោយសាររឿងស្នេហា ត្រីកោណ ។ យ៉ាងនេះក្តីនេះគ្រាន់តែជាការសន្និដ្ឋានរបស់សមត្ថកិច្ចតែប៉ុណ្ណោះ៕
.jpg)
.jpg)
