ភ្នំពេញៈ បុរសម្នាក់ជិះម៉ូតូ ដេីម្បីទៅចូល ខារ៉ាអូខេ បន្ត ការសប្បាយបន្ថែម ទៀត តែមិនទាន់បានសប្បាយផង ក៏មានជនសង្ស័យមួយក្រុមជិះម៉ូតូ៣គ្រឿង ធាក់ផ្ដួលប្លន់យកម៉ូតូ សង់២០២០ទៅបាត់ ដោយសុវត្ថិភាព ។
ហេតុការណ៍នេះបាន បានកេីតឡើងនៅវេលាម៉ោង ១និង៣០នាទី រំលងអាធ្រាត្រឈាន ចូល ថ្ងៃទី២៤ ខែមករា ឆ្នាំ២០២០ ជិតនិង ប៉ុស្តិ៍នគរបាលរដ្ឋបាល ព្រៃវែង ផ្លូវព្រៃស សង្កាត់ព្រៃវែង ខណ្ឌដង្កោ រាជធានីភ្នំពេញ ។
ជនរងគ្រោះមានឈ្មោះ ងុយ សុខដា ភេទប្រុស អាយុ៣០ឆ្នាំ មុខរបរ ជាងក្រឡឹង រស់នៅ ភូមិក្រាំងស្បូវ ស្រុកគង់ពិសី ឃុំ មហាសី ខេត្តកំពង់ស្ពឺ ចំនែកម៉ូតូដែលត្រូវជនសង្ស័យធាក់ប្លន់យកទៅ ម៉ាក ហុងដា ឌ្រីមសេរី ឆ្នាំ ២០២០ ពាក់ស្លាកលេខ ភ្នំពេញ IB 2805 ជារបស់ជនរងគ្រោះ ។
តាមប្រភព ពីជនរងគ្រោះ បានអោយដឹងថាមុនពេលកេីតហេតុ រូបគាត់បានទៅលេងផ្ទះបងប្អូននៅភ្នំពេញ ក៍មានកម្មវិធី ហូបចុកបន្តិចបន្តួច រួចក៍បាន បបួលគ្នា ទៅចូល ខារ៉ាអូខេ បន្តសប្បាយទៀត នៅម្ដុំផ្លូវព្រៃស លុះដល់ពេល ជិះវង្វេង គ្នា ដោយរូបគាត់ ជិះម៉ូតូឌ្រីមសង់ ស៊េរីឆ្នាំ ២០២០ តែម្នាក់ឯង រហូតដល់ជិតប៉ុស្តិ៍នគរបាលរដ្ឋបាលព្រៃវែង ក៍ស្រាប់តែ លេចមុខ ជនសង្ស័យ ចំនួន៥នាក់ ជិះម៉ូតូ ចំនួន៣គ្រឿង មិនចាំម៉ាក បានមកធ្វើ សកម្មភាព ធាក់បណ្តាលឲ្យ រូបគាត់ ជាជនរងគ្រោះ ដួលម៉ូតូ រងរបួស ដៃជើង និងក្បាលបន្តិចបន្តួច ហើយខណៈដែលឃើញរូបគាត់ជាជនរងគ្រោះដួល ក្រុមជនសង្ស័យទាំងនោះ ក៍បានលេីកម៉ូតូ របស់គាត់ជិះគេខ្លួនបាត់ស្រមោលអស់តែម្ដង ។
ប្រភពបានបន្តទៀតថា នៅពេលដែរ ជនសង្ស័យ ប្លន់ម៉ូតូយកទៅបាត់ហើយ រូបគាត់ បានរត់ទៅប្តឹងសមត្ថកិច្ច នៅប៉ុស្តិ៍នគរបាលរដ្ឋបាល ព្រៃវែង ដែលនៅក្បែរកន្លែងកើតហេតុ តែមិនឃើញមាន សមត្ថកិច្ចណាម្នាក់នោះទេ ទើបរូបគាត់ បានដេីររហូតមកដល់ ជិតនិងវត្ត ស្លែង ក៍បានជួបនិងកម្លាំងសមត្ថកិច្ច ប្រចាំនៅទីនោះ ហើយនិយាយពីហេតុការណ៍ប្រាប់ ព្រមទាំងទាក់ទងទៅ ហៅមិត្តភ័ក្ដិ អោយមកដឹកជនរងគ្រោះ យកទៅ ព្យាបាលរបួសនៅ គ្លីនិកឯកជន ដែលនៅជិតនោះ ។
ក្រោយពេលកេីតហេតុ បន្ទាប់ពីព្យាបាលរបួសហើយ ជនរងគ្រោះមិនបានទៅ ដាក់ពាក្យបណ្ដឹងទៅទេ គឺបានអោយមិត្តភ័ក្តិ ជូនទៅផ្ទះ រួចហើយចាំព្រឹកឡើង បានទៅដាក់ពាក្យបណ្ដឹង ប៉ុស្តិ៍នគរបាលរដ្ឋបាល ព្រៃវែង ជាក្រោយ ដេីម្បីអោយ សមត្ថកិច្ច ជួយស្រាវជ្រាវ រកជនសង្ស័យ មកផ្តន្ទាទោស និងរកម៉ូតូ របស់ជនរងគ្រោះមកវិញផងដែរ ៕