តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុ គេឃើញនារីពីរនាក់បេីកបររថយន្តមួយគ្រឿងម៉ាក ឡុចស៉ីសNX300 ពណ៌ស ពាក់ស្លាកលេខ ភ្នំពេញ2BJ-5689 ដោយធ្វេីដំណេីរតាមបណ្ដោយផ្លូវ៩២ ក្នុងទិសដៅពីកេីតទៅលិច។ លុះមកដល់ចំណុចកើតហេតុរថយន្តខាងលើ ក៏បានស៉ីញ៉ូរបម្រុងនឹងបត់ឆ្វេងឆ្លងផ្លូវចូលទៅក្នុងបុរីផាកលែន។ ខណៈពេលនោះដែលក៏មានរថយន្តមួយគ្រឿងទៀតម៉ាក តូយ៉ូតាតាកូម៉ា ពណ៌ស ពាក់ស្លាកលេខ ភ្នំពេញ2AS-4478។ ដែលបើកបរដោយបុរសនារីចំនួន៣នាក់ ក្នុងទិសដៅស្របគ្នាមកតាមពីក្រោយនិងបានបន្ថយល្បឿនរង់ចាំរថយន្តខាងលើបត់។ ហេីយស្របគ្នានោះដែលក៏ស្រាប់តែមានរថយន្តកូរ៉េមួយគ្រឿងទៀតម៉ាក KIA ពណ៌ស ពាក់ស្លាកលេខ ភ្នំពេញ2AE-6530។ ដែលបើកបរដោយបុរសម្នាក់ក្នុងល្បឿនយ៉ាងលឿនមកពីក្រោយ ដោយខ្វះការប្រុងប្រយ័ត្ន ជាន់ហ្វ្រាំងមិនទាន់។ ក៏បណ្ដាលឱ្យជ្រុលទៅបុកពីក្រោយរថយន្តតាកូម៉ាចំពេញទំហឹងនិងរុញទៅបុកផ្ទុបពីក្រោយរថយន្ត ឡុចស៉ីសNX300ខាងលេីបន្ត។
បណ្ដាលឲ្យរថយន្តលុចស៊ីសធ្លាក់កាងខាងក្រោយរងការខូចខាត ចំណែកឯរថយន្តតាកូម៉ាបានរងការខូចខាតក្រពឹតទាំងផ្នែកខាងមុខនិងខាងក្រោយ។ ដោយឡែករថយន្តបង្កបានរងការខូចខាតក្រពឹតផ្នែកខាងមុខយ៉ាងដំណំ តែមិនបង្កឲ្យមានអ្នករងរបួសនោះទេ។
ក្រោយពេលកើតហេតុសមត្ថកិច្ចមូលដ្ឋាននិងសមត្ថកិច្ចជំនាញក៏បានចុះទៅដល់ចំណុចកេីតហេតុ និងបានអោយភាគីទាំង៣ធ្វើការចរាចរសម្របសម្រួល ហេីយភាគីទាំង៣ក៏ព្រមសម្របសម្រួល ដោយភាគីរថយន្តបង្ក ព្រមយករថយន្តទាំងពីរគ្រឿងទៅជួសជុលឲ្យឡើងវិញដេីម្បីបញ្ចប់រឿងនៅកន្លែងកេីតហេតុ ៕
.jpg)
