(ព្រះវិហារ) លោក ស៊ុម សុវុត្ថា នាយផ្នែករដ្ឋបាលព្រៃឈើរវៀងបានឱ្យដឹងនៅថ្ងៃទី២៥ ខែធ្នូ ឆ្នាំ២០១៩នេះថាមន្ត្រីផ្នែកនិងសង្កាត់រដ្ឋបាលព្រៃឈើរវៀងសហការជាមួយអាជ្ញាធរ ភូមិឃុំ និងគណកម្មការសហគមន៍ព្រៃឈើ សំព្រាង បានចុះល្បាតព្រៃសហគមន៍សំព្រាងដែលមានការលួចកាប់រុករានយកដី។
លោក ស៊ុម សុវុត្ថា បានបញ្ជាក់បន្ថែមថាពេលនោះយើងបានជួបប្រទះដីព្រៃកាប់រុករានជាច្រើនកន្លែង។តែយើងបានចុះកំណត់និយាមការដីព្រៃរងការកាប់រុករានហ៊ុំព័ទ្ធធ្វើជាកម្មសិទ្ធិ មានចំនួន៣កន្លែង។កន្លែងទី១.រុករានដោយឈ្មោះ ឆេង សុផា ភេទប្រុស នៅភូមិស្លែងទោល ឃុំរៀបរយ ស្រុករវៀង ខេត្តព្រះវិហារ(កាប់ថ្មី)។ កន្លែងទី២.ឈ្មោះឆុយ ភេទប្រុស នៅភូមិស្លែងទោល ឃុំរៀបរយ ស្រុករវៀង។
៣.ឈ្មោះជា សុខុន ភេទប្រុសនៅភូមិកោះលួងឃុំរស្មីស្រុករវៀងខេត្តព្រះវិហារ។ចំពោះជនល្មើសអ្នកទាំង៣រូបនេះក្រុមការងារបានហៅមកធ្វើការបញ្ឈប់ការរុករាននឹងធ្វើសកម្មភាព និងបានធ្វើកិច្ចសន្យាប្រគល់ដីរុករាននោះឲ្យសមត្ថកិច្ចវិញ តែពេលនេះមានការលើកលែង តែបើមានពេលក្រោយៗទៀតច្បាប់មិនលើកលែងជាដាច់ខាត៕