សូមបញ្ជាក់ផងដែរថា៖ សម្រាប់ឆ្នាំសិក្សា ២០១៨-២០១៩ កន្លងមកបានប្រព្រឹត្តទៅក្នុងសភាពដែលប្រទេសជាតិយើងស្ថិតក្នុងស្ថានភាព មានស្ថិរភាពនយោបាយ និងសន្តិភាព ហើយរាជរដ្ឋាភិបាលកម្ពុជាកំពុងបន្តអនុវត្តយ៉ាងសកម្ម នូវយុទ្ធសាស្ត្រចតុកោណដំណាក់កាលទី ៤ ក្នុងអាណត្តិទី ៦ ដើម្បីឈានទៅរកការកាត់បន្ថយភាពក្រីក្ររបស់ប្រជាពលរដ្ឋ និងធ្វើឱ្យប្រសើរឡើងលើគ្រប់វិស័យស្របពេលដែលរាជរដ្ឋាភិបាលកំពុងប្រឈមមុខដោះស្រាយបញ្ហាធំៗរបស់ប្រទេសជាតិ។ ដោយឡែកការិយាល័យអប់រំ យុវជន និងកីឡាស្រុក ដែលមានមន្ទីរអប់រំ យុវជន និងកីឡាខេត្តជាអាណាព្យាបាល បានរួមចំណែកយ៉ាងសកម្ម ដូចជា៖ ការប្រើប្រាស់សៀវភៅសិក្សាថ្មី កែលម្អការងារដឹកនាំ គ្រប់គ្រង អធិការកិច្ច ទស្សនកិច្ចសិក្សា និងការកសាងមូលដ្ឋានសម្ភារៈ បរិក្ខារ សង្ហារឹម ប្រកបដោយលទ្ធផលជាវិជ្ជមាន និងទទួលបានលទ្ធផលល្អ ៕
